متحدہ عرب امارات میں پیغمبر اسلام کے یوم ولادت پر سرکاری تعطیل کا اعلان کر دیا گیا۔

کویت اردو نیوز،19ستمبر: یو اے ای کی وفاقی اتھارٹی برائے سرکاری انسانی وسائل نے اعلان کیا ہے کہ جمعہ 29 ستمبر 2023 کو وفاقی سرکاری ملازمین کے لیے نبی اکرم صلی اللہ علیہ وسلم کے یوم پیدائش کے موقع پر عام تعطیل ہوگی۔

فیڈرل اتھارٹی فار گورنمنٹ ہیومن ریسورسز کی جانب سے جاری کردہ سرکلر میں مزید کہا گیا ہے کہ کام 2 اکتوبر بروز پیر کو دوبارہ شروع ہوگا۔

روایتی طور پر، مسلمان اسلامی مہینے ربیع الاول کے 12 ویں دن کو میلاد النبی (میلاد) کے طور پر مناتے ہیں، جو کہ پیغمبر اسلام (ص) کی ولادت کی یاد میں منایا جاتا ہے، اور اسلامی کمیونٹی میں یہ ایک اہم روحانی اہمیت کا دن ہے۔