کویت اردو نیوز ، 17 اکتوبر 2023: گزشتہ چند دنوں سے ایرانی میڈیا میں یہ خبریں گردش کر رہی ہیں کہ مشہور فٹ بالر کرسٹیانو رونالڈو کو ایران میں مبینہ طور پر زنا کرنے کے جرم میں "99 کوڑوں” کی سزا سنائی گئی ہے۔ تاہم اسپین میں ایرانی سفارت خانے نے ان دعوؤں کی حقیقت بتائی ہے۔
پرتگالی فٹبالر رونالڈو، جو سعودی عرب میں "النصر” فٹبال کلب کے لیے کھیلتے ہیں، کو گزشتہ ماہ ایران کے دورے کے دوران کیے گئے ایک فعل کے نتیجے میں تنقید کا سامنا کرنا پڑا۔
ایران میں، اس کی ملاقات مفلوج پینٹر فاطمہ حمیمی سے ہوئی، جنہوں نے رونالڈو کو اپنی کچھ انتہائی حقیقت پسندانہ پینٹنگز تحفے میں دیں۔
اسٹار فٹبالر نے اداکارہ کو گلے لگا کر اور ان کی پیشانی کو پیار سے چوم کر شکریہ ادا کیا۔
اس لمحے کی ایک تصویر نے ایرانی وکلاء میں تشویش کو جنم دیا، جنہوں نے تصویر کی بنیاد پر رونالڈو پر زنا کا الزام لگایا۔
قابل ذکر بات یہ ہے کہ ایران میں شادی سے پہلے کسی بھی عورت کے ساتھ جسمانی تعلق کو زنا سمجھا جاتا ہے۔
جس کی وجہ سے رونالڈو کے ہمدردانہ انداز نے ملک میں ایک تنازعہ کھڑا کر دیا۔
متعدد میڈیا آؤٹ لیٹس نے اطلاع دی ہے کہ فٹ بالرکو مبینہ طور پر اس کے اعمال کی وجہ سے ’99 کوڑے’ کی سزا سنائی گئی ہے۔
تاہم ایرانی حکومت نےان تمام دعوؤں کی تردیدکردی ہے۔
اسپین میں ایرانی سفارت خانے نے سوشل میڈیا پلیٹ فارم "X” پر دعوؤں کو بے بنیاد اور سنسنی خیزی کے لیے پھیلائی گئی غلط معلومات قرار دیا۔
سفارت خانے نے رونالڈو یا کسی دوسرے بین الاقوامی کھلاڑی کو ایران میں سزا ہونے کی خبروں کی سختی سے تردید کی۔
واضح رہے کہ کرسٹیانو رونالڈو نے 18 اور 19 ستمبر کو ایک آفیشل فٹ بال میچ کھیلنے کے لیے ایران کا سفر کیا تھا اور عوام اور حکام کی جانب سےانکاشانداراستقبال کیاگیاتھا۔
فاطمہ حمامی سے ان کی مخلصانہ ملاقات کو سراہا گیا۔
