کویت اردو نیوز 10 نومبر: "راولپنڈی ایکسپریس” کے نام سے مشہور سابق پاکستانی فاسٹ بولر شعیب اختر نے پاکستانی کرکٹ ٹیم کو سیمی فائنل میں آسٹریلیا کو قابو کرنے کا گُر بتا دیا۔
تفصیلات کے مطابق سابق اسپیڈ اسٹار شعیب اختر نے ورلڈکپ سیمی فائنل میں آسٹریلیا کو زیر کرنے کے لیے قومی ٹیم کو قیمتی مشورے دے دیے۔ پاکستانی نجی ٹی وی کے پروگرام میں گفتگو کرتے ہوئے شعیب اختر نے کہا کہ پاکستان ٹیم 1999 ورلڈکپ کو نہ دہرائے وہ نہ ہو جو اس وقت کے عالمی کپ میں ہوا کہ پورے ٹورنامنٹ میں اچھا کھیلنے کے بعد فائنل میں بکھر گئے۔ شعیب اختر نے کہا کہ ٹیم کو بالکل نہیں گھبرانا، دباؤ میں نہیں آنا یہ نہیں سوچنا کے سامنے حریف کون ہے بس اپنا نارمل گیم کھیلنا ہے جو وہ ایونٹ میں کھیلتے آرہے ہیں۔ سابق اسپیڈ اسٹار نے کہا کہ اگر پاکستان ٹاس جیتا ہے تو
آسٹریلیا کو بیٹنگ کی دعوت دے کیونکہ کینگروز اسپنرز میں پھنستے ہیں۔ قومی ٹیم کی اوپننگ جوڑی سب سے اہم ہے اگر 3 سے 4 اوورز میں کوئی وکٹ نہ گری تو آسٹریلیا ہاتھ کھڑے کر دے گا۔ انہوں نے کہا کہ بابر اعظم اور محمدرضوان پر بڑی ذمہ داری عائد ہوتی ہے جلد وکٹ نہیں دینی آرام سے اپنا گیم کھیلنا ہے بیٹنگ لائن متوازی ہے مڈل آرڈر بلے باز بھی اچھے ہیں اور پھر پاور ہٹرز ہیں۔ شعیب اختر نے کہا کہ آسٹریلوی ٹیم حملہ کرتی ہے دباؤ میں لاتی ہے لیکن قومی پلیئرز کو گھبرانا نہیں ہے بالکل محسوس نہیں ہونے نہیں دینا کہ حریف کون ہے، دباؤ میں نہیں آنا یہ نہ ہو کہ اچانک آپ بکھر جائیں جیسے 1999 کے ورلڈکپ میں ہوا تھا ایسی غلطی نہیں کرنی۔