کویت اردو نیوز 05 مئی: مائیکرو سافٹ کے شریک بانی بل گیٹس نے اپنی سابق اہلیہ میلنڈا کے ساتھ دوبارہ شادی کرنے کا خواہش کا اظہار کیا ہے۔
بل گیٹس نے کہا ہے کہ ان کی سابقہ اہلیہ میلنڈا فرنچ گیٹس سے شادی "بہت اچھی” تھی اور وہ اس سے دوبارہ شادی کرنے کا انتخاب کریں گے۔ جوڑے نے شادی کے تقریباً 30 سال بعد مئی 2021 میں اپنی طلاق کا اعلان کیا تھا۔ اسے اگست 2021 میں حتمی شکل دی گئی تھی لیکن جوڑے نے اعلان کیا تھا کہ وہ اپنی فاؤنڈیشن، بل اور میلنڈا گیٹس فاؤنڈیشن کو ایک ساتھ چلاتے رہیں گے۔ ان کے تین بچے جن کے نام جینر، روری اور فوبی ہیں۔ سنڈے ٹائمز سے بات کرتے ہوئے بل گیٹس نے گزشتہ دو سالوں کو "خوبصورت ڈرامائی” قرار دیا لیکن انہوں نے یہ بھی کہا کہ
ان کی شادی شدہ زندگی بڑی اچھی تھی تاہم بچوں کے بڑے ہونے اور گھر چھوڑنے کے بعد ہر شادی تبدیلیوں سے گزرتی ہے اور ہمارے معاملے میں تبدیلی طلاق تھی۔ گیٹس نے اپنی سابقہ اہلیہ کے ساتھ اپنے موجودہ ورکنگ ریلیشن شپ کے بارے میں بھی
کھل کر اظہار خیال کیا کہ وہ ان کی شادی کے خاتمے کے بارے میں کیسا محسوس کرتے ہیں۔ بل گیٹس کا کہنا تھا کہ میں کسی اور سے شادی کا انتخاب نہیں کروں گا اور نہ ہی میری مستقبل کے حوالے سے فی الحال کوئی پلاننگ ہے لیکن اگر شادی ہوئی تو سابقہ بیوی میلنڈا کا ہی انتخاب کروں گا۔ دوسری جانب رواں سال مارچ میں میلنڈا نے بھی اعتراف کیا تھا کہ وہ طلاق کے بعد بھی ایک دوسرے کے دوست ہیں اور ان کے درمیان ورکنگ ریلیشن شپ جاری ہے۔
