کویت اردو نیوز 05 مئی: ٹرمپ کی "ٹروتھ سوشل” ایپلی کیشن مئی کے آخر میں براؤزر کے ذریعے دستیاب ہوگی۔ تفصیلات کے مطابق سابق امریکی صدر ڈونلڈ ٹرمپ کی ملکیت (ٹروتھ سوشل) ایپلی کیشن کے سی ای او ڈیوین نونس نے کہا کہ
یہ ایپلی کیشن مئی کے آخر میں ایک براؤزر پر دستیاب ہوگی۔ نونس نے (ٹروتھ سوشل) پر ایک پوسٹ میں مزید کہا کہ ایپلی کیشن کو ابھی تک اینڈرائیڈ ڈیوائسز کے لیے گوگل پلے اسٹور پر لانچ کرنے کی منظوری نہیں ملی ہے۔ "مئی کے آخر میں ہم ایک ویب براؤزر لانچ کریں گے جو کسی بھی ڈیوائس سے ایپلی کیشن تک رسائی کی اجازت دے گا اور پھر ہم اینڈرائیڈ کے لیے ایک ایپلی کیشن لانچ کریں گے فی الحال ہم گوگل سے منظوری کے منتظر ہیں”۔ گوگل پلے اور ایپل اسٹورز میں ایپلی کیشن کی موجودگی اس کی رسائی کو بڑھانے کی صلاحیت کے لیے بہت اہم ہے۔ ٹرمپ میڈیا اینڈ ٹیکنالوجی گروپ،
ٹروتھ سوشل کی بنیادی کمپنی، بڑی ٹیک کمپنیوں کا مقابلہ کرنے کے لیے اس وقت شروع کی گئی تھی جب 6 جنوری کو امریکی دارالحکومت میں ہونے والے فسادات کے دوران ٹرمپ کی جانب سے مبینہ طور پر تشدد کو بھڑکانے اور اس کو فروغ دینے کے نتیجے میں ٹویٹر، فیس بک اور یوٹیوب نے ٹرمپ کو بلاک کر دیا تھا تاہم ٹرمپ کا سوشل میڈیا ایڈونچر گوگل پر انحصار کی وجہ سے محدود ہے جس کی ملکیت الفابیٹ اور ایپل ہے جو کہ اسمارٹ فون مارکیٹ پر حاوی ایپ اسٹورز چلاتے ہیں۔
