کویت اردو نیوز 23 جون: امیر کویت کے حکم پر کویت کے ولی عہد کی نے قومی اسمبلی کو تحلیل کر دیا گیا ہے۔ کویت کے امیر نے فوری انتخابات کی راہ ہموار کرتے ہوئے پارلیمنٹ کو تحلیل کر دیا جبکہ ولی عہد کو کویت میں تازہ ترین سیاسی پیش رفت سے متعلق اپنی طرف سے قوم سے تقریر کرنے کی ذمہ داری سونپی۔
تفصیلات کے مطابق امیر کویت شیخ نواف الاحمد الجابر الصباح نے بدھ کو کہا کہ انہوں نے ولی عہد شہزادہ شیخ مشعل الاحمد الجابر الصباح کو اپنی طرف سے خطاب کرنے کے لیے تفویض کیا ہے۔ امیر نے کہا کہ "ہمیں امید ہے کہ یہ (تقریر) موجودہ پیش رفت کی وضاحت کرے گی، ہم جانتے ہیں اور سیاسی منظر نامے کی پیروی کر رہے ہیں۔” عزت مآب امیر نے اللہ سے دعا کی کہ "ہماری پیاری قوم کو سلامتی اور مزید ترقی و خوشحالی عطا فرمائے”۔ جبکہ ولی عہد شیخ مشعل الاحمد الجابر الصباح نے آنے والے مہینوں میں پارلیمنٹ کو تحلیل کرنے کا اعلان کیا اور
کویتی شہریوں سے نئے ایوان کا انتخاب کرنے کی اپیل کی۔ میڈیا رپورٹس کے مطابق قبل از وقت انتخابات کا اعلان، اسمبلی اور حکومت کے درمیان بجٹ اصلاحات پر اختلافات پیدا ہوگئے تھے۔ ان اختلافات کے باعث کویتی ولی عہد نے اسمبلی تحلیل کردی جس کے مطابق نئی اسمبلی بننے تک
ولی عہد شہزادہ شیخ مشعل الاحمد الجابر الصباح
ضروری امور شاہی فرمان کے ذریعے نمٹائے جائیں گے۔ خیال رہے کہ دو ماہ قبل کویتی کابینہ نے پارلیمنٹ سے اختلافات کے باعث استعفیٰ دیدیا تھا اور ملک میں نئے انتخابات کے لیے دیگر ارکان کے ساتھ مل کر مہم بھی چلائی تھی۔ کویت میں 50 رکنی پارلیمنٹ کا بنیادی کام قوانین کی منظوری، منسوخی، وزراء سے پوچھ گچھ ہے اور عدم اعتماد کی تحریک پیش کرنا ہے تاہم حتمی فیصلہ امیرِ کویت کا ہی ہوتا ہے۔
ولی عہد شہزادہ شیخ مشعل الاحمد الجابر الصباح نے کہا کہ شاہی خاندان پارلیمانی روایات کا احترام کرتا ہے تاہم ملک میں جاری سیاسی بحران کے خاتمے کے لیے یہ قدم ناگزیر تھا۔ کویت کے ولی عہد نے ملک میں فوری الیکشن کا عندیہ دیتے ہوئے کہا کہ جلد ہی الیکشن کی تاریخ کا اعلان کیا جائےگا۔
