کویت سٹی 23 جون: روزنامہ عرب ٹائمز کی رپورٹ کے مطابق صباح الاحمد کے علاقے میں تارکینِ وطن بیچلرز کو بجلی سے محروم کر دیا گیا۔
تفصیلات کے مطابق کویت بلدیہ نے صباح الاحمد سمندری علاقے میں نجی اور گھریلو رہائشی علاقوں میں رہائش پذیر بیچلرز کی وزارتی فیصلے کی خلاف ورزی کرنے کے سبب 45 پراپرٹیوں کی بجلی کاٹ دی۔
فروانیہ اور مبارک الکبیر گورنیٹ سیکٹر کے امور کے لئے بلدیہ کے ڈپٹی ڈائریکٹر جنرل عمار العمار نے ایک بیان میں کہا ہے کہ احمدی برانچ کی نگران ٹیموں نے صباح الاحمد سمندری علاقے میں ایک وسیع فیلڈ معائنہ کیا جو کہ تقریبا 8 گھنٹے تک جاری رہا جس میں 47 خلاف ورزی کرنے والی پراپرٹیس شامل تھیں۔ 45 مکانات کی بجلی کاٹ دی گئی ہے کیونکہ ان پراپرٹیس کو خالی کرنے کے لئے 48 گھنٹے کی ڈیڈ لائن دی گئی تھی۔
العمار نے بیان دیا کہ خلاف ورزی کی صورت میں تمام رئیل اسٹیٹ کی نگرانی کے لئے فیلڈ معائنہ جاری رہے گا اور وہ میونسپل انتظامیہ کی ہدایت کے مطابق متعلقہ حکام کے تعاون سے قانونی اقدامات کریں گے اور بجلی کی فراہمی کو روک دیں گے۔
انہوں نے سب سے مطالبہ کیا کہ میونسپل انسپیکشن ٹیموں سے ان کے فیلڈ ٹرپ کے دوران قانونی کاروائیوں سے بچنے کے لئے تعاون کریں۔
حوالہ: عرب ٹائمز