کویت اردو نیوز 20ستمبر: متحدہ عرب امارات میں گاڑیاں ایک قیمتی ملکیت ہیں۔ 2022 کی پہلی ششماہی میں 2021 کے مقابلے میں ملک میں آٹو موٹیو کی مجموعی مارکیٹ میں 9.3 فیصد اضافہ ریکارڈ کیا گیا ہے۔
گاڑیاں بھی ایک ذمہ داری ہوتی ہیں جس کے پیش نظر ڈرائیوروں پر لازم ہے کہ وہ ٹریفک قوانین سے متعلقہ تمام قواعد و ضوابط کی پابندی کریں۔ متحدہ عرب امارات میں گاڑیوں کے استعمال پر کئی ٹریفک قوانین موجود ہیں جن میں بڑی خلاف ورزیوں پر جرمانے اور بلیک پوائنٹس کی وضاحت کی گئی ہے۔ کچھ خلاف ورزیاں اتنی سنگین ہیں کہ گاڑی ضبط کر لی جائے گی۔
چند احتیاطی تدابیر جو آپ کو جاننے کی ضرورت ہے:
- ہارن یا گاڑی کا ریڈیو پریشان کن طریقے سے استعمال کرنا: 400درہم جرمانہ، 4 بلیک پوائنٹس
- ڈرائیونگ کے دوران موبائل فون استعمال کرنا یا کسی چیز سے مشغول ہونا: 800 درہم جرمانہ، 4 بلیک پوائنٹس
- 10 سال سے کم یا 145 سینٹی میٹر سے چھوٹے بچوں کو گاڑی کی اگلی سیٹ پر بیٹھنے کی اجازت: درہم 400 جرمانہ
- گاڑی میں 4 سال سے کم عمر بچوں کے لیے چائلڈ سیٹیں ٹھیک نہ کرنا: درہم 400 جرمانہ
- ڈرائیور یا مسافروں میں سے کوئی سیٹ بیلٹ نہ باندھے: 400 درہم جرمانہ، 4 بلیک پوائنٹس
- ایسی گاڑی چلانا جو حفاظتی اقدامات کی تعمیل نہیں کرتی ہے: 500 درہم جرمانہ
- جملے لکھنا یا بغیر اجازت گاڑیوں پر اسٹیکرز لگانا: 500 درہم جرمانہ
- بغیر اجازت گاڑی کے انجن یا چیسس میں ترمیم کرنا: 1,000 درہم جرمانہ، 12 بلیک پوائنٹس اور 30 دن کی گاڑی ضبط
- معیاد ختم شدہ ٹائروں کے ساتھ ڈرائیونگ: 500 درہم جرمانہ، 4 بلیک پوائنٹس، 7 دن کی گاڑی ضبط
- اگر گاڑی کی لائٹس کام نہیں کر رہی ہیں: درہم 400 جرمانہ، 6 بلیک پوائنٹس
- بغیر اجازت گاڑی کا رنگ تبدیل کرنا: درہم 800 جرمانہ
یہ خبر بھی پڑھیں: سعودی عرب میں عوامی تنصیبات کو نقصان پہنچانے کی صورت میں سخت سزا کا حکم دے دیا گیا
