آپ کے ہاتھ آپ کی صحت کے بارے میں کیا بتاتے ہیں،جانئے

کویت اردو نیوز 18اکتوبر: جب بھی ہمارے جسم کے اندر کوئی خرابی پیدا ہوجاتی ہے تو ہم اس وقت تک دھیان نہیں دیتے جب تک صحت پر اس کا اچھا خاصہ اثر نہیں پڑجاتا۔ ڈاکٹر مہنگے ٹیسٹ تجویز کرتے ہیں جن کے بعد ہی ہمیں مرض کا ادراک ہو پاتا ہے۔

البتہ قدرت نے کچھ ایسے طریقے بھی رکھے ہیں جن سے ہم اپنے جسم میں ہونے والی خرابیوں کے بارے میں بروقت جان سکتے ہیں۔ نیچے ہم آپ کو صرف ہاتھوں کے ذریعے اپنی بیماری کے بارے میں جاننے کا طریقہ بتا رہے ہیں۔

بیچ کی انگلی بہت زیادہ لمبی ہو تو۔

ہاتھوں کی تیسری انگلی ویسے تو لمبی ہی ہوتی ہے لیکن اگر کسی خاتون کے ہاتھوں کی شہادت کی انگلی، بیچ کی انگلی سے بہت زیادہ چھوٹی ہو تو یہ اس بات کا اشارہ ہے کہ آگے جا کے وہ جوڑوں کے درد میں مبتلا ہوسکتی ہیں۔ بین الاقوامی تحقیقی رسالے آرتھریٹز اینڈ رہیوماٹزم کے مطابق اس کی وجہ ایسٹروجن کی کمی ہوسکتی ہے۔

ہتھیلی سے پسینہ آنا

صرف غدود زیادہ متحرک ہونے سے لے کر تھائی رائیڈ کا مرض بھی ہوسکتا ہے جس سے خواتین کو ماہواری بہت زیادہ یا بہت کم آنے جیسے مسائل کا سامنا کرنا پڑسکتا ہے۔ اس کے علاوہ اس سے چہرے اور جسم پر بہت زیادہ بال آںے لگتے ہیں اور ماں بننے میں بھی مشکلات کا سامنا ہوسکتا ہے۔ تھائی رائیڈ کا مرض دل کی دھڑکن کو بھی متاثر کرسکتا ہے اور اس سے خون کے لوتھڑے بننے لگتے ہیں۔

ناخنوں کی پیلی رنگت

 اگر آپ کو اپنے ناخنوں کی رنگت زرد محسوس ہو تو فوری طور پر ڈاکٹر سے رجوع کریں۔ناخنوں کی پیلی رنگت کمزور ناخن اگر ناخن اچانک کمزور ہوجائیں یا پہلے کی نسبت اپنی چمک کھو دیں تو بہت ممکن ہے کہ پھیپھڑوں کا مرض لاحق ہوچکا ہو۔

 ہاتھ کے جوڑ سوجنا

اگر جسم میں کولیسٹرول کی زیادتی ہوجائے تو انگلیوں کے جوڑ سوجنے لگتے ہیں اور درد کرنے لگتے ہیں۔ اس لئے اپنے ہاتھوں کا باقاعدگی سے معائنہ کرتے رہیں اور غیر معمولی نشانی نظر آنے پر ڈاکٹر سے رجوع کریں۔