کویت اردو نیوز 27 اکتوبر: دنیا کا گندا ترین آدمی آمو حاجی چورانوے برس کی عمر میں انتقال کرگیا، اس نے 50 سال سے زائد عرصے تک پانی اور صابن کا استعمال نہیں کیا تھا۔
تفصیلات کے مطابق 94 سالہ آمو حاجی نامی ایرانی باشندہ نہانے سے اس لیے نہانے سے ڈرتا تھا کہ کہیں بیمار نہ ہو یا اسے کوئی نقصان نہ پہنچ جائے۔
آمو حاجی بیمار ہونے کے ڈر سے تقریباً ساٹھ سال نہیں نہایا تھا، اس کی گندگی کا اندازہ اس بات سے بھی لگایا جاسکتا ہے کہ وہ پھپوندی لگا کھانا کھاتا اور زنگ آلود برتن میں پانی پیتا تھا۔ غیر ملکی خبر رساں دارے کی رپورٹ کے مطابق مقامی افراد کی جانب سے متعدد بار آمو کو نہلانے اور صاف ستھرا کرنے کی کوشش کی گئی پر وہ ناکام رہے تاہم چند ماہ قبل اس نے ہتھیار ڈال دیے تھے اور مقامی افراد اسے نہلانے میں کامیاب ہوگئے۔
ایرانی خبر ایجنسی کے مطابق نہانے کے بعد سے آمو بیمار رہنے لگا اوراسی حالت میں رہتے ہوئے گزشتہ اتوار کو انتقال کرگیا۔
واضح رہے کہ آموحاجی کی زندگی پرسال 2013 میں ایک مختصر سی دستاویزی فلم بھی بنائی گئی تھی جس کے باعث دنیا بھر میں اسے شہرت ملی، آمو حاجی کے انتقال کی خبر بھی عالمی میڈیا میں نمایاں اہمیت حاصل کرگئی ہے۔
