کویت اردو نیوز 27 اکتوبر: کویت میں ہونے والے ایک حالیہ افسوسناک واقعہ میں وزارت تعلیم کے ایک ٹیچر کو چھ بچوں کا جنسی استحصال کرنے کے الزام میں گرفتار کیا گیا۔ اس نے بچوں کو دھمکی بھی دی کہ وہ اس کے بارے میں اپنے والدین کو نہ بتائیں۔
اس جرم نے عوام کو حیران کر دیا ہے جبکہ والدین کی نفسیاتی حالت غیر ہے جو اپنے بچوں کے ساتھ اس طرح کا واقعہ گزرنے کے بعد صدمے میں ہیں۔ سب سے اہم سوال یہ پیدا ہوتا ہے کہ ان بچوں کو جس ہولناکی کا سامنا کرنا پڑا اس کا ذمہ دار کون ہے؟
کویت ٹائمز نے اس مسئلے پر دماغی صحت کی مشیر اور لیکچرر ہدا الجاسر سے بات کی، بلاشبہ اس واقعہ کے بعد والدین کا رویہ تبدیل ہوا ہے جبکہ اس واقعے کے بعد والدین شدید تناؤ کا شکار ہونے کے باوجود، اپنے بچوں کو ان درندوں سے بچانے کی کوششیں کر رہے ہیں اور وہ اپنے بچوں کی نگرانی بھی کر رہے ہیں۔
“یہ بات اچھی طرح سے معلوم ہے کہ جن بچوں کا جنسی استحصال یا عصمت دری کی جاتی ہے، خاص طور پر پانچ سال سے کم عمر کے بچے جو اب بھی اپنے آپ کو بیان نہیں کر سکتےاور اپنے درد کو مخصوص رویوں جیسے کہ ڈراؤنے خواب، غصہ یا مسلسل رونے کے ذریعے ظاہر کرتے ہیں۔ مائیں یا سرپرست محسوس کریں گے کہ ان کے بچے کے رویے میں تبدیلی آئی ہے لیکن بدقسمتی سے بچوں کی دیکھ بھال میں بہت کوتاہی کی جاتی ہے۔ یہ ناقابل یقین ہے کہ بچوں کو سڑکوں پر اکیلے نکلنے اور حوس پرستوں کے لئے کھلا چھوڑنے کی مکمل آزادی دے دی جاتی ہے اور اسی چیز نے ان بچوں کے ساتھ بدفعلی کا موقع فراہم کیا۔
الجاسر نے نشاندہی کی کہ کئی علامات ہیں جس سے والدین اندازہ لگا سکتے ہیں کہ بچے کو دھمکیاں دی جا رہی ہیں، اس کا جنسی استحصال کیا جا رہا ہے یا زیادتی کی جا رہی ہے۔ “بعض اوقات جب کوئی بچہ شرمندہ ہوتا ہے، تو وہ کود کو چھپانے کی کوشش کرتا ہے اس کے علاوہ غصہ یا جذباتی ہونا بھی ایک وجہ ہو سکتی ہے، اس کے علاوہ وہ جارحانہ اور متشدد بھی ہو سکتے ہیں، خاص طور پر جب بچے کو زیادتی کرنے والے کی طرف سے دھمکیاں دی جا رہی ہوں۔ اگر بچے کو دھمکیوں کے مستقل خوف کی وجہ سے نفسیاتی دباؤ کا سامنا کرنا پڑتا ہے تو بچے پر دباؤ انتہائی شدید ہوتا ہے جو بالآخر اس کی زندگی کو تباہ کر سکتا ہے۔”
الجاسر نے کہا کہ اگر ان کے بچے کی قوت مدافعت کمزور ہے یا وہ باقاعدگی سے بیماریوں میں مبتلا ہیں تو والدین کو نوٹس لینا چاہیے کیونکہ خراب دماغی کیفیت جسم پر بہت زیادہ اثر انداز ہوتی ہے اور بہت سے لوگوں کے لیے معمول کے مطابق روزمرہ کی زندگی پر عمل کرنا بیماریوں یا کمزوری کا باعث بنتا ہے۔
“دیگر علامات میں پیشاب کی بے قاعدگی، ڈراؤنے خواب اور بغیر کسی وجہ کے اکثر رونا شامل ہیں۔ بچہ اپنے غصے کا اظہار اپنے والدین پر جارحانہ انداز میں حملہ کرنے یا مارنے کے ذریعے کر سکتا ہے جو کہ دماغی عارضے کی سنگین علامت ہے، بچے کی طرف سے اپنے دفاع کے لیے لاشعوری عمل ہے۔ اس کے علاوہ، کچھ بچے اپنے والدین کو اشارہ دینے کی کوشش کرتے ہیں کہ وہ کس چیز کا سامنا کر رہے ہیں، لیکن کچھ مائیں یا والدین انہیں صحیح توجہ نہیں دیتے ہیں،” الجاسر نے مزید کہا کہ کچھ بچے خود کو مار کر اپنے اندر چھپے درد کا اظہار کرتے ہیں۔
بدفعلی کرنے والے کی اطلاع دینا:
“معاشرے کا خوف زیادہ تر والدین کو واقعے کو چھپانے اور پولیس کو جرم کی اطلاع نہ دینے پر مجبور کرتا ہے، جو مجرم کو دوسرے بچوں کے ساتھ جرم کو دہرانے کی آزادی دیتا ہے۔ موجودہ کیس میں جو کچھ ہوا اس کی وجہ بھی یہی ہو سکتی ہے۔ اس حقیقت کے باوجود کہ جو کچھ ہوا اس سے والدین بہت تکلیف میں ہیں، مسئلہ یہ ہے کہ
لوگ معاشرے سے زیادہ ڈرتے ہیں۔ اس قسم کے واقعات کو غیرت کے نام پر جرم سمجھا جاتا ہے، خاص طور پر ہماری مشرقی برادریوں کے لیے جن کی ثقافت دوسروں سے مختلف ہے۔
زیادتی کا شکار بچے کی دیکھ بھال کرنا:
“جس بچے کے ساتھ بدفعلی یا عصمت دری کی جاتی ہے اسے فوری طور پر ایک سائیکو تھراپسٹ کے پاس علاج کے لیے لے جایا جانا چاہیے، جو اس واقعے کو ان کے ساتھ اس طرح سے تشکیل دے جس سے انھیں اس غصے اور درد کو دور کرنے میں مدد ملے جو وہ محسوس کرتے ہیں تاکہ نفسیاتی بحالی ہو سکے۔ دریں اثنا، والدین کو اس بارے میں مزید آگاہی ہونی چاہیے کہ اپنے بچے کے ساتھ کس طرح نمٹا جائے۔ عام طور پر، والدین کو اپنے بچوں کی پرورش کے طریقے کو زیادہ توجہ کے ساتھ تبدیل کرنا ہوگا، اپنے بچوں میں نگرانی اور بیداری میں اضافہ کرنا ہوگا اور اضافی دیکھ بھال کرنا ہوگی۔
انہوں نے کہا کہ “کردار ایک پرانی عمارت کے سوا کچھ نہیں ہے اگر یہ خستہ ہو جائے تو یہ خراب ہو جائے گی اور اسے مرمت کرنے کی ضرورت ہوتی ہے اسی طرح تعلیم بھی بچے کے تمام مراحل کی نشوونما کرتی ہے جب تک کہ وہ اس عمر تک نہ پہنچ جائے جب وہ خود ذمہ دار ہو جائیں۔ بچے کی زندگی میں جو کچھ بھی سامنے آتا ہے وہ اس کے لاشعور میں بند ہو جاتا ہے اور ذہنی تصویر کی شکل میں ظاہر ہونا شروع ہو جاتا ہے جو مستقبل، آگاہی اور روزمرہ کے معاملات پر بہت زیادہ اثر انداز ہوتے ہیں۔
ہم بہت سے بالغوں کو عجیب و غریب خوابوں میں مبتلا دیکھتے ہیں جو انہیں ان کی زندگی کے مخصوص مراحل میں واپس لے جاتے ہیں کیونکہ یہ چیزیں گہری ہوتی ہیں اور انہیں نفسیاتی علاج کی ضرورت ہوتی ہے، خاص طور پر وہ لوگ جو جنسی حملوں کا شکار ہوتے ہیں”۔
انہوں نے وضاحت کی کہ “بچے کو نفسیاتی علاج کی بھی ضرورت ہوتی ہے کیونکہ وہ یقینی طور پر متاثر ہوں گے اور اسے فوری بچاؤ کے عمل کی ضرورت ہوگی۔ ایسے بچے بھی ہیں جنہیں ایک سے زیادہ بار جنسی طور پر ہراساں کیا جاتا ہے وہ اس قسم کی بدفعلی کے عادی ہو سکتے ہیں دوسرے لفظوں میں وہ اس کے عادی ہو سکتے ہیں”۔
