کویت اردو نیوز 7نومبر: ایک ماں کو 8 اور 10 سال کی عمر کے اپنے بچوں پر فون چارجنگ کیبل سے حملہ کرنے پر 1,100 درہم جرمانہ کیا گیا۔
فجیرہ فیڈرل کورٹ آف فرسٹ انسٹینس نے اس پر جرمانہ عائد کیا، جب کہ سول کورٹ نے اس خاتون سے کہا کہ وہ 20,000 درہم بطور معاوضہ بچوں کے والد کو ادا کرے۔ والد نے پولیس میں رپورٹ درج کرائی تھی کہ اس کے بچوں کو ان کی ماں نے مارا تھا۔
انہوں نے مزید کہا کہ ان کے 10 سالہ بیٹے کی کمر، رانوں اور چہرے پر خراشیں تھیں۔ جبکہ اس کے 8 سالہ بیٹے کی بائیں ران پر زخم، دائیں ران پر رگڑ اور بائیں ٹانگ پر سرخی تھی۔
خاتون نے الزامات کا اعتراف کرتے ہوئے کہا کہ اس نے انہیں پڑھائی کرنے کی ترغیب دینے کے لیے کیبل سے مارا تھا۔خاتون نے مزید کہا کہ وہ دوبارہ ایسا نہیں کریں گی۔
