کویت کے معروف غزالی روڈ کو بند کرنے کا اعلان

کویت اردو نیوز 18 جنوری: روزنامہ القبس کی رپورٹ کے مطابق پبلک اتھارٹی فار روڈز اینڈ ٹرانسپورٹیشن (PART) نے شوائخ پورٹ کی طرف جانے والے الغزالی روڈ کو دس دنوں کے لیے بند کرنے کا اعلان کیا۔

اتھارٹی نے کہا کہ یہ بندش جنرل ٹریفک ڈیپارٹمنٹ کے ساتھ مل کر کی گئی ہے جبکہ سڑک کو 26 جنوری کو دوبارہ کھول دیا جائے گا۔

انہوں نے مزید کہا کہ بندش کی مدت رات 1:00 بجے سے صبح 5:00 بجے تک ہو گی تاہم اتھارٹی کے بیان میں بندش کی وجہ نہیں بتائی گئی لیکن ملک میں حالیہ بارشوں کی وجہ سے سڑکوں کو پہنچنے والے نقصان کے پیش نظر اتھارٹی کئی دنوں سے سڑک کی دیکھ بھال کا کام کر رہی ہے اور غزالی روڈ پر سکستھ رنگ روڈ کی طرف بجری سے فلنگ اور اسفالٹ پھیلا رہی ہے۔