کویت اردو نیوز 04 فروری: کویت میں پاکستانی سفیر ملک فاروق نے کہا کہ 180 پاکستانی ڈاکٹرز اور نرسیں کویت پہنچ چکے ہیں۔ انہوں نے کہا کہ
پاکستانی ڈاکٹروں اور نرسوں کی یہ اٹھارویں کھیپ کویت پہنچی ہے۔ انہوں نے مزید کہا کہ یہ بیچ پاکستان اور کویتی حکومتوں کے درمیان طے پانے والے معاہدے کا ایک حصہ ہے۔
سفیر پاکستان نے کہا کہ "ہم جانتے ہیں کہ کویت کی موجودہ صورتحال کے دوران، خاص طور پر کورونا کی وبا کے بعد، ڈاکٹروں اور نرسوں کی کمی ہے اور میں کویتی حکومت کے اعتماد پر شکریہ ادا کرنا چاہتا ہوں۔
ہم جانتے ہیں کہ ہمارے ڈاکٹرز اور نرسنگ سٹاف بہت پروفیشنل ہیں اور ان کے پاس بہت اچھا تجربہ ہے، اور پاکستان ملک کے بہترین ہسپتالوں سے اپنے بہترین ڈاکٹر بھیجتا ہے، اور ہمیں اس بات پر بھی بہت خوشی ہے کہ پاکستانی عوام کویتی بہن بھائیوں کو اپنی خدمات پیش کرتے ہیں۔
