کویت اردو نیوز 4 مارچ: فیس بک، انسٹاگرام اور واٹس ایپ کی مالک کمپنی "میٹا” نے اعلان کیا ہے کہ اس نے دیگر تخلیقی ٹولز کے علاوہ اپنے فیس بک پلیٹ فارم کے لیے مختصر ویڈیوز (ریلز) کی زیادہ سے زیادہ لمبائی 90 سیکنڈ تک بڑھا دی ہے۔
"عرب گیٹ” کی تکنیکی خبروں کے حوالے سے بتایا گیا ہے کہ فیس بک پر "ریلز” کلپس نئی اپ ڈیٹ سے پہلے صرف 60 سیکنڈ تک محدود تھے جبکہ انسٹاگرام سروس پر "ریلز” کلپس کی حد مہینوں پہلے 90 سیکنڈ تک بڑھا دی گئی تھی۔
میٹا کی طرف سے یہ قدم اس کے سب سے نمایاں حریف ٹک ٹاک کے اعلان کے بعد سامنے آیا ہے کیونکہ ٹک ٹاک نے ویڈیو کلپس کی حد 3 منٹ کی بجائے 10 منٹ تک بڑھا دی ہے۔ میٹا نے مزید تخلیقی ٹولز بھی جاری کیے ہیں، جیسے کہ نئی ٹیمپلیٹ فیچر جو صارفین کو مقبول ٹیمپلیٹس کا استعمال کرتے ہوئے "ریلز” کلپس بنانے کی اجازت دیتی ہے۔
یہ فیچر، جسے گزشتہ سال انسٹاگرام صارفین کے لیے لانچ کیا گیا تھا، فیس بک کے صارفین کو اسی ڈھانچے کا استعمال کرتے ہوئے ریل بنانے کی اجازت دیتا ہے جو وہ دوسرے کلپس میں دیکھتے ہیں۔
