کویت اردو نیوز 27 اپریل: میٹا چیف مارک زکربرگ نے منگل کو اعلان کیا کہ واٹس ایپ کے صارفین اب بیک وقت چار موبائل میں اپنا واٹس ایپ اکاؤنٹ استعمال کر سکتے ہیں۔
مارک زکربرگ نے اپنی پوسٹ میں کہا کہ "آج سے، آپ ایک ہی واٹس ایپ اکاؤنٹ میں چار فون تک لاگ ان کر سکتے ہیں۔”
جبکہ ملٹی ڈیوائس فیچر طویل عرصے سے دستیاب ہے اسے صرف براؤزرز، کمپیوٹرز یا ٹیبلٹس کے ذریعے رسائی کے لیے استعمال کیا جا سکتا ہے لیکن اب صارفین اسے متعدد فونز میں لاگ ان کرنے کے لیے بھی استعمال کر سکتے ہیں۔
یہ فیچر ان لوگوں کے لیے کارآمد ہو گا جو ذاتی، کام یا کاروبار کے لیے الگ فون استعمال کرتے ہیں اور ان سب کو لنک کرنے کے لیے ایک اکاؤنٹ استعمال کرنا چاہتے ہیں۔
تاہم، اگر بنیادی ڈیوائس طویل عرصے تک غیر فعال رہتا ہے، تو یہ خود بخود دیگر تمام آلات سے لاگ آؤٹ ہو جائے گا جو منسلک ہیں۔
واٹس ایپ نے منگل کو ایک بلاگ میں کہا کہ "گزشتہ سال، ہم نے عالمی سطح پر صارفین کے لیے رازداری اور سیکیورٹی کی سطح کو برقرار رکھتے ہوئے اپنی تمام ڈیوائسز پر بغیر کسی رکاوٹ کے پیغام بھیجنے کی صلاحیت متعارف کرائی تھی”۔
اس نے مزید کہا کہ "آج، ہم ایک سے زیادہ فونز پر ایک ہی WhatsApp اکاؤنٹ کو استعمال کرنے کی صلاحیت کو متعارف کروا کر اپنی ملٹی ڈیوائس پیشکش کو مزید بہتر کر رہے ہیں۔”
اس فیچر کے رول آؤٹ کے ساتھ، صارفین سائن آؤٹ کیے بغیر فونز کے درمیان سوئچ کر سکتے ہیں اور اپنی چیٹس کو وہیں سے اٹھا سکتے ہیں جہاں سے انہوں نے چھوڑا تھا۔
یہ اپ ڈیٹ عالمی سطح پر صارفین کے لیے رول آؤٹ ہونا شروع ہو گئی ہے اور آنے والے ہفتوں میں سب کے لیے دستیاب ہو گی۔
