حاجی صاحب خبردار، سعودی حکومت کی نسوار بارے اہم تنبیہہ

کویت اردو نیوز، 4 مئی: سعودی حکومت نے عازمین حج کو خبردار کیا ہے کہ اگر ان کے پاس سے نسوار نکلی تو انتہائی سخت سزا دی جائے گی۔

سعودی عرب سمیت تمام عرب ممالک نسوار کو منشیات کی فہرست میں شامل کر چکے ہیں اور اسی حوالے سے سعودی حکام نے عازمین حج کو خبردار کیا ہے کہ وہ نسوار لے کر نہ آئیں ورنہ سخت کارروائی کی جائے گی۔

سعودی عرب کے احکامات پر اینٹی نارکوٹکس فورس (اے این ایف) نے ائیرپورٹس پر وارننگ کے پوسٹرز بھی لگوا دیئے ہیں۔

دوسری طرف سعودی وزارت صحت نے عازمین حج سے اپیل کی ہے کہ وہ لازمی طور پر حفاظتی ٹیکے لگوا لیں۔

حج کے اجازت نامے شوال سے جاری کیے جائیں گے اور اجازت نامے کے لیے حفاظتی ٹیکے اور ویکسینیشن مکمل ہونا لازمی ہے۔

حج سیزن شروع ہونے سے 10 روز قبل حفاظتی ویکسین لگوانا لازم ہے۔