سعودی عرب میں گرلز یونیورسٹی کی بس کو حادثہ درپیش: ایک طالبہ جاں بحق ، 24 زخمی

کویت اردو نیوز، 26مئی: سعودی عرب کی القصیم یونیورسٹی کی گرلز بس حادثہ کا شکار ہوکر ایک کار سے ٹکرا کر الٹ گئی۔

حادثہ کیوجہ سے بس میں سوار ایک طالبہ جاں بحق اور دیگر 24 طالبات زخمی ہوگئیں۔

یہ حادثہ صبح 7 بجے پیش آیا جب بس میں طالبات یونیورسٹی جارہی تھیں۔

القصیم یونیورسٹی کیجانب سے جاری کردہ بیان میں کہا گیا ہے کہ بریدہ شہر میں بس کار سے ٹکرائی۔

حادثہ کے بعد حکام فورا پر جائے وقوعہ پر پہنچ گئے اور انہوں نے ریسکیو کاروائیاں شروع کردیں۔

زخمی طالبات میں سے 2 کی حالت زیادہ خراب تھی جبکہ باقی چند طالبات کو طبی امداد دے کر ہسپتال سے رخصت کردیا گیا۔

حادثہ پیش آنے پر یونیورسٹی نے غم کا اظہار کرتے ہوئے مرحوم طالبہ کے اہل خانہ اور رشتہ داروں کے ساتھ ہمدردی اور تعزیت کا اظہار کیا