کویت اردو نیوز،21 جون: برٹش ایئرویز کی سنگا پور سے لندن جانے والا مسافر طیارہ دوران پرواز 30 ہزار فٹ کی بلندی پر ہچکولے کھانے لگا جس سے عملے کے 5 رکن اور دو مسافر شدید زخمی ہوگئے۔
خلیج بنگال کے اوپر مسافر بردار طیارہ بری طرح ہچکولے کھاتے ہوئے کبھی 5 فٹ نیچے گرنے لگتا اور کبھی 10 فٹ اوپر جانے لگتا جو ہوا کے کم دباؤ کے باعث ہوا۔
پائلٹ نے اپنے حواس پر قابو رکھتے ہوئے طیارے کو واپس سنگا پور کیطرف موڑا جہاں عملے کے 5 رکن اور دو مسافروں کو طبی امداد فراہم کی گئی۔
ان میں سے ایک زخمی کا ٹخنا ٹوٹ گیا جب کہ دوسرے کی کمر اور تیسرے کے کولہے میں فریکچر ہوا۔
شدید جھٹکوں کے دوران سیٹ بیلٹ مضبوطی سے باندھنے کی وجہ سے مسافروں کی کمر پر زخم آئے جبکہ ہوٹل میں چند گھنٹے قیام کے بعد مسافروں کو دوسری پرواز سے روانہ کردیا گیا۔
برٹش ایئرویز کے ترجمان کا کہنا تھا کہ گزشتہ 5 برسوں میں ایسا کبھی نہیں ہوا کہ طیارے کو ہوا کے دباؤ کی وجہ سے شدید ہچکولے کھانا پڑے ہوں۔
