ایف آئی اے نے پاکستانی پاسپورٹ پر سفر کرنیوالے دوحہ کے مسافر کو گرفتار کرلیا

کویت اردو نیوز،22جون: ایف آئی اے امیگریشن نے پشاور ائرپورٹ پر کارروائی کرتے مشکوک سفری ریکارڈ پر قطر سے آئے مسافر کو گرفتار کرلیا۔

ترجمان ایف آئی اے کیمطابق حکام نے پاکستانی پاسپورٹ پر سفر کرنیوالے دوحہ کے مسافر کو گرفتار کیا۔

نسیم الدین نامی مسافر فلائٹ نمبر QR600 سے پشاور ائرپورٹ پہنچا تھا جس کا آئی بی ایم ایس میں کسی قسم کا سفری ریکارڈ موجود نہیں تھا۔

مسافر نے رواں ماہ پاکستانی پاسپورٹ حاصل کیا تھا، تاہم، دوران تلاشی مسافر کے سامان سے جعلی افغان پاسپورٹ، تذکیرہ، پاکستانی ای ویزا بھی برآمد کر لیا گیا۔

ابتدائی تفتیش کے مطابق مسافر 12 سال پہلے غیر قانونی راستے سے امریکہ گیا تھا۔

بعد ازاں مسافر کو مزید جانچ پڑتال اور قانونی کارروائی کے لیے ایف آئی اے اینٹی ہیومن ٹریفیکنگ سرکل پشاور کے حوالے کر دیا گیا۔