بحرین کی مساجد عید الاضحی کی نماز کیلئے تیار کرلی گئیں

کویت اردو نیوز،24جون: سنی اوقاف کونسل نے اعلان کیا ہے کہ عید الاضحی کی نماز، عید کے پہلے دن صبح 5:07 بجے ادا کی جائے گی۔

اس سلسلے میں بحرین کی تمام مساجد نمازیوں کے استقبال کے لیے پوری طرح تیار کر لی گئی ہیں۔

کونسل نے بحرین میں عید کی نماز کے لیے مختلف مقامات کو نامزد کیا ہے اور نمازیوں کے لیے آرام دہ عبادت کو یقینی بنانے کے لیے عید کی مساجد کو ضروری فرنیچر، آلات اور سامان سے آراستہ کیا ہے۔

مزید برآں، بحرین کے تمام گورنریٹس میں 11 مساجد عربی زبان نہ بولنے والے تارکین وطن کے لیے مختص کی گئی ہیں۔