کویت اردو نیوز،6جولائی: سعودی عرب میں وزارت حج اور عمرہ نے عمرہ کی ادائیگی کے لیے الیکٹرانک ویزا کے اجراء کے آغاز کا اعلان کیا ہے۔
سعودی عرب کی وزارت حج اور عمرہ کی طرف سے جاری ایک بیان میں کہا گیا ہے کہ ’ای ویزہ‘ کے اجرا کا مقصد دنیا کے مسلمانوں کو عمرہ کی ادائیگی کی سعادت کے لیے زیادہ معیاری سہولیات فراہم کرنا اور مملکت کے 2030 کے اہداف کےحصول کی طرف پیش رفت کرنا ہے۔
وزارت نے وضاحت کی کہ “نسک” پلیٹ فارم کے ذریعہ الیکٹرانک ویزا جاری کرنے کے لیے درخواستیں جمع کروانے کی خاطر ttps://www.nusuk.sa/ar/about پورٹل کو استعمال کرنا ہوگا۔
عمرہ کی ادائیگی کے لیے یہ درخواستیں محرم 1445ھ کے بعد کے ایام کے لیے دی جا سکتی ہیں۔
’نسک‘ پلیٹ فارم سے پوری دنیا کے مسلمان مکہ اور مدینہ کی زیارت میں آسانی اور سہولت حاصل کر رہے ہیں۔
وزارت حج نے کئی زبانوں میں معلومات اور انٹرایکٹو نقشوں کے ایک پیکیج کے علاوہ رہائش ، اور نقل و حمل کی خدمات فراہم کی ہیں۔
یہ بات قابل غور ہے کہ وزارت حج اور عمرہ نے اس سے قبل متعلقہ حکام کے تعاون سے خلیج تعاون کونسل کے رکن ممالک میں رہائش پذیر شینگن ویزہ رکھنے والے مسلمان اور امریکا اور برطانیہ میں مقیم مسلمان مملکت کے وزٹ ویزہ پر عمرہ کی سعادت حاصل کرنے کا اعلان کردیا۔
انہیں عمرہ کی سعادت کے لیے ’نسک‘ پلیٹ فارم سے ایپلائی کرنا ہوگا
