عمانی ولایت سیب میں جھگڑے کی ویڈیو وائرل ہونے پر 13 غیر ملکی گرفتار

کویت اردو نیوز،11جولائی: رائل عمان پولیس (ROP) نے مسقط گورنریٹ کی ولایت سیب میں ایک گروہی جھگڑے میں ملوث ہونے اور عوامی امن کو خراب کرنے کے الزام میں 13 غیر ملکیوں کو گرفتار کیا ہے۔

رائل عمان پولیس نے ایک بیان میں کہا کہ "مسقط گورنریٹ پولیس کمانڈ نے سوشل میڈیا پر گردش کرتی ایک ویڈیو کلپ دیکھنے کے بعد ایشیائی شہریت کے 13 افراد کو گرفتار کیا۔

اس وڈیو میں وہ ولایت سیب کے ایک محلے میں ایک گروہی جھگڑے میں ملوث تھے، جس سے عوامی امن و سکون کو خراب کیا گیا تھا۔ ان تارکین وطن افراد کے خلاف قانونی کارروائی مکمل کی جا رہی ہے۔