کویت اردو نیوز،4اگست: سعودی عرب کے لیبر حکام نے ایک سرکاری پورٹل کے ذریعے افراد کے درمیان گھریلو ملازمین کی منتقلی کا اعلان کرتے ہوئے کہا ہے کہ یہ قدم گھریلو ملازمین کے شعبے کو منظم کرنے اور متعلقہ فریقوں کے حقوق کے تحفظ کی کوششوں کا حصہ ہے۔
انسانی وسائل کی وزارت نے کہا کہ مساند پلیٹ فارم کے ذریعے دستیاب نئی سروس افراد کو بھرتی کے قواعد پر مبنی آسان الیکٹرانک اقدامات کے ذریعے گھریلو لیبر سروسز کو موجودہ آجر سے نئے میں منتقل کرنے کی اجازت دیتی ہے اور معاہدہ کے تعلق سے تمام فریقین یعنی۔ موجودہ آجر، ملازم اور نیا آجر کی رضامندی کے بعد اسکو ٹرانسفر کرتی ہے۔
ادائیگی کا عمل پلیٹ فارم پر منظور شدہ ای پیمنٹ چینلز کے ذریعے منسٹری کی طرف سے مقرر کردہ فیس کی حد کے مطابق کیا جاتا ہے۔
وزارت نے کہا کہ یہ اقدام ایک مخصوص مدت کا ورک کنٹریکٹ جاری کرکے ٹرانسفر پر آجر اور ملازم کے حقوق کو محفوظ رکھنے کے لیے تیار کیا گیا ہے۔
پلیٹ فارم پر افراد کے درمیان زیادہ سے زیادہ ٹرانسفر فیس اس طرح مقرر کی گئی ہے: ایتھوپیا کے کارکنوں کے لیے 10,023سعودی ریال؛ برونڈی سے 10,457سعودی ریال؛ سری لیون سے 10,488سعودی ریال؛ یوگنڈا سے 12,761سعودی ریال؛ کینیا سے 14,135؛ سعودی ریال, بنگلہ دیش سے 16,188سعودی ریال؛ سری لنکا سے 18,336سعودی ریال؛ فلپائن سے 19,270سعودی ریال اور انڈونیشیا سے 21,535 سعودی ریال ہے۔
سعودی لیبر حکام نے حال ہی میں مملکت میں گھریلو لیبر مارکیٹ کو منظم کرنے کی کوشش کی ہے۔
اس مقصد کے لیے، وزارت نے گھریلو ملازمین کے لیے ذمہ دار ایک پلیٹ فارم مسانید کا آغاز کیا، تاکہ صارفین کو ان کے حقوق اور فرائض، اور متعلقہ خدمات بشمول ویزا جاری کرنے، بھرتی کی درخواستوں اور آجر اور کارکن کے درمیان معاہدہ کے تعلق کے بارے میں جاننے میں مدد ملے۔
وزارت نے کہا ہے کہ سرکاری بھرتی پلیٹ فارم ہونے کی وجہ سے مسانید کے ذریعے معاہدہ کرنا ضروری ہے۔
مملکت میں گھریلو ملازمین میں گھریلو ملازم، ڈرائیور، گھریلو ملازمہ، کلینر، باورچی، محافظ، کسان، درزی، رہنے والی نرسیں، ٹیوٹر اور آیا شامل ہیں۔
