کویت اردو نیوز،10اگست: امام کعبہ شیخ ڈاکٹرعبدالرحمٰن السدیس کو مسجد الحرام اور مسجد نبوی کی انتظامیہ برائے مذہبی کا سربراہ بدرجہ وزیر مقرر کر دیا گیا ہے۔
سعودی خبررساں ادارے کے مطابق ایوان شاہی نے بروز منگل فرمان جاری کیا ہے جس میں کہا گیا ہے کہ شاہ سلمان نے ڈاکٹرعبدالرحمن بن عبدالعزیز السدیس کو مسجد الحرام اور مسجد نبوی مذہبی امور انتظامیہ کا سربراہ بدرجہ وزیر مقرر کیا۔
ایک اور شاہی فرمان کے ذریعے وزیر حج وعمرہ ڈاکٹر توفیق الربیعہ کو مسجد الحرام اور مسجد نبوی کے امور کے لیے جنرل اتھارٹی کے بورڈ آف ڈائریکٹرز کا چیئرمین مقرر کیا گیا۔
ایوان شاہی نے متعلقہ اداروں کو شاہی فرمان پرعمل درآمد کرنے کی ہدایت بھی ہے۔
