کویت اردو نیوز،25اگست: سعودی وزارت صحت نے بیان جاری کیا ہے کہ کورونا وائرس کی نئی ٹائپ ای جی 5 سے فی الحال کوئی خطرہ نہیں ہے۔
سعودی وزارت صحت نے کہا ہے کہ کورونا وائرس کی نئی ٹائپ ای جی 5 سے نمٹنے کے لیے اضافی اقدامات درکار نہیں ہیں اور اس بیماری کی شرح یا شدت پر کوئی نمایاں اثر نہیں پڑا ہے۔
سعودی وزارت نے کہا ہے کہ کورونا کی اس نئی قسم سے متعلق اضافی اقدامات کی ضرورت نہیں ہے اور ای جی 5 وائرس سے ابھی تک کوئی خطرہ نہیں ہے۔
سعودی وزارت صحت کورونا وائرس کے جینیاتی ترتیب کی پیشرفت پر نظر رکھے ہوئے ہے اور پبلک ہیلتھ اتھارٹی کی متعدد لیبارٹریوں کے ذریعے ای جی 5 ٹائپ سمیت اومیکرون کے متعدد ذیلی اقسام کی نگرانی جاری ہے۔
