ڈاکٹر نے مریض کو صحت کارڈ کا جھانسہ دیکر اسکا گردہ نکال لیا

کویت اردو نیوز، 7ستمبر: لاہور میں ایک شخص نے ڈاکٹروں پر الزام لگایا ہے کہ انہوں نے دھوکے سے اس کا گردہ نکال لیا ہے۔

پولیس کا کہنا ہے کہ متاثرہ شہری نے رقم لے کر گردہ فروخت کیا تاہم مقدمہ درج کرکے تفتیش کررہےہیں۔

متاثرہ شہری عمر فرید نے بتایا کہ جولائی میں اسے پیٹ میں درد محسوس ہوا تو وہ جناح اسپتال گیا، وہاں ڈاکٹر ظفر سلطان اور مشتاق نامی شخص چیک اپ کا کہہ کر اپنے گھر لے گئے۔

عمر فرید کے مطابق صحت کارڈ پر علاج کا جھانسا دے کر علاج کیا گیا، مجھے چار دن تک ظہیر نامی شخص کے گھر میں رکھ کر یہ کہتے ہوئے فارغ کر دیا کہ صحت کارڈ سے 20 ہزار کی بچت ہوئی ہے، یہ رکھ لو۔

متاثرہ شخص نے بتایا کہ بورے والہ میں ڈاکٹر کے چیک کرنے پر معلوم ہوا کہ گردہ ہی نکال لیا گیا ہے۔

عمر فرید کا کہنا ہے کہ پولیس نے مقدمہ درج کرکے ایک ملزم کو گرفتار کرکے پھر چھوڑ دیا ہے۔