دبئی میں پہلی بار تیرتا کچرا جمع کرنے کیلئے روبوٹ کا استعمال کیا جائیگا

کویت اردو نیوز،23ستمبر: متحدہ عرب امارات میں تیرتے سمندری کچرے کو جمع کرنے کے لیے پہلی بار ڈرون روبوٹ کے استعمال کیا جائیگا ۔ جسکا مقصد جدید ٹیکنالوجی اور سلوشنز کے ذریعے ماحولیاتی تحفظ کو یقینی بنانا ہے۔

یہ تیرتا ہوا روبوٹ تازہ اور نمکین پانی دونوں میں کام کرنے اور چھوٹی تنگ جگہوں کو صاف کرنے کی صلاحیت رکھتا ہے۔

پکسی ڈرون کی گنجائش تقریباً 160 لیٹر فضلہ ہے، اور یہ ایک وقت میں 6 گھنٹے تک سیلف ڈرائیونگ موڈ میں کام کر سکتا ہے۔

یہ ایک ویڈیو کیمرہ اور ریموٹ سینسرز سے منسلک ہے جو ٹیکنالوجی، اور فضلہ کی مختلف شکلوں مثلا نامیاتی فضلہ، پلاسٹک، شیشہ، دھات، کاغذ، کپڑا، ربڑ، وغیرہ کو الگ کرنے کے لیے آپٹیکل سینسنگ اور رینجنگ کے ساتھ کام کرتا ہے۔