برن: (کویت نیوز اردو) محققین کی ایک ٹیم کو جنوبی اسپین میں واقع ایک غار سے اس بات کے شواہد ملے ہیں کہ وہاں دفن ہونے والے قدیم انسانوں کے کنکال کی باقیات کو کھود کر ان میں کافی ترامیم کردی گئی ، یہاں تک کہ بعد میں آنے والی نسلوں نے ان ہڈیوں کو اوزار کے طور پر استعمال کیا۔
یونیورسٹی آف برن کے محققین کی ایک ٹیم نے جنوبی اسپین کے ایک غار میں پائی جانے والی انسانی باقیات کا تفصیلی جائزہ لیا۔
محققین کا کہنا ہے کہ یہ باقیات کم از کم 12 افراد کی ہیں ، جن کو 5 ہزار قبل مسیح سے 2 ہزار قبل مسیح کے درمیان دفنا دیا گیا تھا ، بعد میں ان ہڈیوں میں جان بوجھ کر تبدیلیاں کردی گئیں ۔ ہڈیوں میں واضح طور پر فریکچر اور خراشیں ہیں ، جو ہڈیوں کا گودا نکالنے کی کوششوں کے نتیجے میں پڑ گئیں تھیں
محققین کو غار سے انسانی پیر کی بھی ہڈی ملی ہے جس ہو آلے کے طور پر استعمال کیا گیا تھا۔
مطالعے کے مصنف اور برن یونیورسٹی میں فزیکل اینتھروپالوجی کے ریسرچ فیلو مارکو ملیلا کا کہنا ہے کہ ہڈی کو پہلے توڑا گیا اور نتیجے میں حاصل ہونے والے ٹکڑے کے ایک سرے کو کھرچنے کیلیے استعمال کیا گیا ۔
