کویت اردو نیوز ، 29 ستمبر 2023 : ٹیکنالوجی کمپنی گوگل نے 2024ء میں پوڈکاسٹ سروس بند کرنے کا عندیہ دے دیاہے ، آئندہ سال کے ابتداء سے صارفین یوٹیوب میوزک میں ہی پوڈکاسٹ سن سکیں گے۔
گوگل نے رواں برس اپریل میں امریکہ کے صارفین کے لیے یوٹیوب میوزک میں ممبر شپ کےبغیر پوڈکاسٹ سننےکی سہولت فراہم کی تھی۔ صارفین اس سہولت فائدہ اٹھاتے ہوئے پوڈکاسٹ کوآف لائن بھی سن سکتےہیں۔
یوٹیوب کی طرف سے کیے جانے والے اعلان کے مطابق 2023ء کے آخر تک یوٹیوب میوزک میں عالمی سطح پر پوڈکاسٹ دستیاب ہوگی۔
سال 2018ء میں اینڈرائیڈ پر لانچ ہونے والی پوڈکاسٹ ایپ نے صارفین کے لیے مفت پوڈکاسٹ کی لائبریری فراہم کی تھی۔ گوگل نے2020ء میں ایپ کو نئی شکل دی تھی اور آئی او ایس پر لانچ کی تھی ۔ اس وقت یہ سروس ویب، میک او ایس اور ونڈوز پر بھی دستیاب ہے۔
ایک بلاگ اسپاٹ پوسٹ میں یوٹیوب نےلکھا ہے کہ 2024ء میں کمپنی یوٹیوب میوزک میں پوڈکاسٹ کے تجربے میں سرمایہ کاری کو بڑھا دے گی اور 2024ء کے بعد گوگل پوڈکاسٹ کو بند کر دیا جائے گا۔
خیال رہے کہ اس سے پہلے گوگل کی طرف سے جی میل کے ایچ ٹی ایم ایل بیسک ویو فیچر کو ختم کردینے کا اعلان کیا گیا تھا۔
