کویت اردو نیوز ، 30 ستمبر 2023: مشرقی جمہوریہ کانگو کے ایک اسٹیڈیم میں دھماکے کے نتیجے میں ایک شخص ہلاک اور 11 زخمی ہوگئے ہیں ۔ دھماکہ گوما کے ایک اسٹیڈیم میں اس وقت ہوا جب ایک فوجی نے غلطی سے راکٹ سے چلنے والا گرینیڈ فائر کیا۔
فوج کے ترجمان نے کہا کہ کانگو کے ایک فوجی نے دوپہر کے وقت "غیر ارادی طور پر” ایک آر پی جی گرینیڈ کو چالو کیا، جو گوما کے الوحدہ اسٹیڈیم میں پھٹ گیا۔
انہوں نے بیان میں مزید کہا کہ دھماکے میں 12 افراد زخمی ہوئے تاہم ان میں سے ایک بعد میں زخموں کی تاب نہ لاتے ہوئے چل بسا۔
فوج نے وضاحت کی کہ سپاہی نے گاڑی پر سوار ہوتے ہوئے آر پی جی شیل فائر کیا جو اسٹیڈیم کے قریب سڑک پر گرا ۔
گوما کے رہائشی پرنس مومبرے جو حادثے کے وقت اسٹیڈیم کے قریب تھے، نے بتایا کہ اس نے فٹ بال کے زخمی کھلاڑیوں کو میدان سے نکلتے ہوئے دیکھا۔
سوشل میڈیا پر گردش کرنے والی تصاویر میں فٹ بال کے زخمی کھلاڑیوں اور خون آلود نوجوانوں کو میدان سے پیدل اور موٹر سائیکلوں پر لے جایا جا رہا ہے۔
گوما میں یونٹی اسٹیڈیم کانگولیس فورسز کو M23 باغیوں سے الگ کرنے والے اگلے مورچوں سے تقریباً 30 کلومیٹر (18 میل) کے فاصلے پر واقع ہے، جنہوں نے 2021 کے آخر میں اپنی مہم شروع کرنے کے بعد سے شمالی کیوو صوبے کے بڑے حصوں پر کنٹرول کر رکھا ہے۔
