ایک پارک میں اژدہا بھوکے مگر مچھ کا شکار بن گیا

کویت اردو نیوز ، 7 اکتوبر 2023: یہ غیر معمولی واقعہ جنوبی افریقہ کے کروگر نیشنل پارک میں دیکھا گیا جہاں ایک بھوکے مگر مچھ نے اژدھے کو کھا لیا۔

مقامی آدمی گیل ایراسمس نے لوئر سبی کے بالکل جنوب میں دریائے سبی کے پل پر اس غیر معمولی واقعہ کا مشاہدہ کیا۔ اس نے ویب سائٹ پر واقعے کی تصاویر اور کہانیاں شیئر کی ہیں۔

گیل نے لکھا کہ وہ لوئر سبی کے جنوب میں تھوڑے فاصلے پر رکے اور خوبصورت نظارے سے لطف اندوز ہوئے۔ یہ پل بہت سے لوگوں کے لیے پسندیدہ جگہ ہے کیونکہ یہ لوئر سبی سے اتنا قریب ہے کہ آپ گیٹ بند ہونے سے پہلے چند منٹ تک وہاں ٹھہر سکتے ہیں۔

گیل نے کہا کہ "ہمیں یہ پل پسند ہے کیونکہ یہاں ہمیشہ کچھ نہ کچھ دلچسپ ہوتا ہے۔” اس دن، جب ہم نے ارد گرد دیکھا، تو ہم حیران رہ گئے کہ ایک مگرمچھ بڑے اژدھے کو پکڑ کر کھارہا تھا ۔