کویت اردو نیوز ، 8 اکتوبر 2023: برازیل کی ایک 27 سالہ خاتون ایک مقامی خانہ بدوش نجومی کے پاس گئی جس نے اس کی موت کی پیشین گوئی کی اور 1 دن بعد اس کی موت ہوگئی۔
عالمی میڈیا رپورٹس کے مطابق برازیلین خاتون فرنینڈا سلوا والوز ڈا کروز پنٹو رواں ماہ ایک مقامی نجومی کے پاس اپنے مستقبل کے بارے میں پوچھنے گئی تو نجومی نے اس کی موت کی پیش گوئی کرتے ہوئے اسے چاکلیٹ دی۔
گھر میں، فرنینڈا نے چاکلیٹ کھائی، جس کے بعد وہ بیمار پڑ گئی، پیٹ میں شدید درد، قے، ناک سے خون بہنے کا سامنا کرنا پڑا۔ اسے فوری طور پر سانتا کاسا ڈی میسریکورڈیا اسپتال لے جایا گیا، لیکن وہاں موجود ڈاکٹر کو اس کی طبی حالت سمجھ میں نہیں آئی اور وہ اگلے دن دم توڑ گئی۔
خاتون کے اہل خانہ کی جانب سے فراہم کردہ ابتدائی معلومات کے مطابق فرنینڈا نے اس واقعے کی اطلاع اپنے گھر والوں کو دی تھی۔ فرنینڈا نے انہیں بتایا تھا کہ وہ میسیو شہر میں ایک جعلی خانہ بدوش نجومی کے پاس گئی تھی جس نے اس کی موت کی پیشین گوئی کی اور ملاقات کے اختتام پر اسے ایک چاکلیٹ دی۔ فرنینڈا اسی دن گھر آئی اور چاکلیٹ کھا لی اور پھر بیمار پڑ گئی ۔
پولیس افسران کا کہنا تھا کہ اگر لواحقین فرنینڈا کی موت کے فوراً بعد اسے دفن کر دیتے تو زہریلے ٹیسٹ کے بغیر تفتیش نہیں ہو سکتی تھی۔
