کویت اردو نیوز ، 8 اکتوبر 2023: بھارت نے سوشل میڈیا سے بچوں سے متعلق متنازعہ مواد ہٹانے کے لیے بڑا قدم اٹھاتے ہوئے سوشل میڈیا ایپلی کیشنز ایکس، یوٹیوب ،ٹیلی گرام کو متنازع مواد ہٹانے کی ہدایت کی ہے۔ ہندوستان کی وزارت اطلاعات اور ٹیکنالوجی نے بچوں کے جنسی استحصال کے مواد کو ہٹانے کی ہدایت کرتے ہوئے ایک نوٹس جاری کیا ہے۔
وزارت الیکٹرانکس اور انفارمیشن ٹیکنالوجی کا کہنا ہے کہ ہدایات پر عمل نہ کرنے کو انفارمیشن ٹیکنالوجی ایکٹ کی خلاف ورزی تصور کیا جائے گا۔ وزارت نے تینوں پلیٹ فارمز کو یہ بھی بتایا کہ ہدایات کی تعمیل میں کسی بھی تاخیر کے نتیجے میں انفارمیشن ٹیکنالوجی ایکٹ کے سیکشن 79 کے تحت کارروائی ہو سکتی ہے۔
نوٹس میں کہا گیا ہے کہ سوشل میڈیا پلیٹ فارم کو بچوں کے جنسی استحصال کے مواد کو خودکار طور پر بلاک کرنے کا بندوبست کرنا چاہیے۔ اس کے لیے اپنا الگورتھم تبدیل کریں اور اپنے رپورٹنگ میکانزم کو بھی بہتر بنائیں۔ اگر ان ہدایات پر عمل نہیں کیا گیا تو آئی ٹی ایکٹ 2021 کے تحت کارروائی کی جائے گی۔ آئی ٹی ایکٹ کے سیکشن 79 کے تحت ان سے قانون کی حفاظت کرنے والی سیکیورٹی واپس لے لی جائے گی۔
بچوں کے ساتھ جنسی زیادتی کا مواد اکثر انٹرنیٹ پر دیکھا جاتا ہے۔ اس معاملے میں مرکزی حکومت نے اب سخت رویہ اختیار کیا ہے۔ الیکٹرانکس اور انفارمیشن ٹکنالوجی کے مرکزی وزیر راجیو چندر شیکھر کا کہنا ہے کہ حکومت قوانین کے تحت ایک محفوظ اور قابل اعتماد آئی ٹی سسٹم بنانے کے لیے پرعزم ہے۔