کویت اردو نیوز ، 11 اکتوبر 2023: امریکی ہتھیاروں سے بھرا طیارہ فلسطینیوں پر بمباری کرنے کے لیے اسرائیل پہنچ گیا۔
غیر ملکی میڈیا کے مطابق یہ ہتھیار جنوبی اسرائیل کے ایک فضائی اڈے پر پہنچائے گئے ، تاہم ان ہتھیاروں کی اقسام کے حوالے سے کوئی تفصیلات سامنے نہیں آ سکیں ۔
غیر ملکی میڈیا کے مطابق یہ ہتھیار اہم فوجی کارروائیوں میں سہولت فراہم کرے گا۔
امریکی میڈیا کے مطابق بائیڈن انتظامیہ نے رواں ہفتے اسرائیل کو فوجی ساز و سامان کی فراہمی شروع کر دی ہے جب کہ دوسرا بحری بیڑا بھی اسرائیل بھیجنے پر غور کیا جا رہا ہے ،امریکی وزیرخارجہ انتھونی بلینکن آج اسرائیل کے لیے روانہ ہوں گے۔
دوسری جانب اسرائیلی وزیراعظم نے امریکی صدر جو بائیڈن سے رابطہ کیا اور کہا کہ ہولوکاسٹ کے بعد ایسا منظر نہیں دیکھا گیا ۔
اس موقع پر امریکی صدر نے اسرائیل کی فوجی امداد میں اضافے کا اعلان کرتے ہوئے کہا کہ وہ اسرائیل کی دفاعی ضروریات کو یقینی بنائیں گے، حملوں کے بعد ممکنہ علاقائی خطرات کو روکنے کے لیے اقدامات کریں گے۔
دوسری جانب حماس نے اسرائیل کو دھمکی دیتے ہوئے واضح کیا ہے کہ قبضے کے خلاف مزاحمت فلسطینیوں کا حق ہے، وہ مقدس مقامات کے دفاع اور قبضہ ختم کرکے ہی دم لیں گے۔
