کویت اردو نیوز ، 13 اکتوبر 2023: اسرائیل اور فلسطین کے درمیان جاری کشیدگی شہ سرخیوں کا موضوع بن چکی ہے اور سوشل میڈیا صارفین بھی اس حوالے سے اپنے جذبات کا اظہار کر رہے ہیں۔
اس کے ساتھ ساتھ ایک معروف ملٹی نیشنل فاسٹ فوڈ چین کی طرف سے اسرائیلی فوج کو مفت کھانے کی فراہمی نے مظلوم فلسطینیوں کے حق میں بولنے والوں کو سخت مایوس کیا ہے۔
اس اقدام کے خلاف ‘بائیکاٹ میکڈونلڈ’ کا رجحان دنیا بھر میں مقبول ہو رہا ہے۔
فوڈ چین نے اپنے سرکاری اسرائیلی برانچ انسٹاگرام ہینڈل پر تصاویر کے ساتھ اسرائیلی فوجیوں کو مفت کھانا بھیجنے کا اعلان کیا۔
میکڈونلڈز اسرائیل نے کہا ہے کہ انہوں نے 5 شںاخیں کھولی ہیں جوسیکیورٹی اور ریسکیو فورسز کیلیے امداد اور عطیات سے متعلق ہیں، ہر روز ہم تقریباً 4000 میل کا سفر کریں گے۔”
مسلم دنیا نے اس پر شدید ردعمل کا اظہار کیا ہے۔ سوشل میڈیا صارفین نے غزہ کی صورتحال پر افسوس کا اظہار کرتے ہوئے کہا کہ اس مشکل وقت میں فلسطینیوں کو خوراک کے بغیر چھوڑ دیا گیا ہے۔
سوشل میڈیا صارفین فلسطین کی حمایت میں اس معروف کمپنی کے بائیکاٹ کا مطالبہ کر رہے ہیں۔
X پر ایک صارف کا کہنا ہے۔ کہ "فلسطینیوں کے پاس کھانا نہیں ہے اور وہ صرف IDF کو مفت کھانا دے رہے ہیں،”
اقوام متحدہ کے ورلڈ فوڈ پروگرام (ڈبلیو ایف پی) نے خبردار کیا ہے کہ اسرائیل کی جانب سے غزہ کی پٹی کی مکمل ناکہ بندی کے بعد غزہ کی پٹی میں ضروری سامان کی فراہمی خطرناک حد تک کم ہو رہی ہے۔
اسرائیل نے پیر کے روز غزہ کے مکمل محاصرے کا اعلان کرتے ہوئے ساحلی علاقے کو جانے والے تمام کراسنگ پوائنٹس بند کر دیے، خوراک، ایندھن اور پانی کو منقطع کر دیا۔
