کویت اردو نیوز ،15 اکتوبر 2023: آئی سی سی ورلڈ کپ میں پاکستان اور بھارت کے درمیان میچ کے دوران بھارتی اداکارہ و ماڈل اروشی روٹیلا اپنا مہنگا ترین فون کھو بیٹھیں۔
اداکارہ گزشتہ روز احمد آباد کے نریندر مودی اسٹیڈیم میں پاکستان اور بھارت کے درمیان میچ دیکھنے پہنچی تھیں ، جہاں ان کا فون گم ہوگیا۔ اروشی نے سوشل میڈیا پر مداحوں سے درخواست کی کہ میرا 24 کیرٹ سونے کا آئی فون گم ہو گیا ہے! اگر کسی کو یہ فون ملے تو برائے مہربانی میری مدد کریں اور جلد از جلد مجھ سے رابطہ کریں۔
دوسری جانب کچھ صارفین کی جانب سے اروشی روٹیلا کو تنقید کا نشانہ بنایا جا رہا ہے جب کہ کچھ نے اداکارہ سے ہمدردی کا اظہار کیا ہے۔
واضح رہے کہ اداکارہ نے ماضی میں قومی ٹیم کے فاسٹ بولر نسیم شاہ کے ساتھ بیٹنگ اور پریکٹس کرتے ہوئے کئی کہانیاں انسٹاگرام پر شیئر کی تھیں ، جنہیں سوشل میڈیا پر خوب سراہا گیا تھا۔
بھارت اور پاکستان کے درمیان کھیلے گئے میچ میں میزبان ٹیم نے گرین شرٹس کو یکطرفہ مقابلے کے بعد 7 وکٹوں سے شکست دے دی۔
