کویت اردو نیوز ، 17 اکتوبر 2023 : ڈینگی بخار کے بعد جسمانی کمزوری عام ہے، اس لیے اپنی صحت کا خیال رکھنا بہت ضروری ہے۔ ڈینگی بخار کے بعد جسم میں درد، کمزوری، ہڈیوں اور پٹھوں میں درد ہوتا ہے۔
ان اثرات کو جلد از جلد ختم کرنا اور صحت کی بحالی کو ممکن بنانا بھی بہت ضروری ہے۔
طبی ماہرین ڈینگی سے صحت یاب ہونے کے بعد پھلوں کے استعمال پر زور دیتے ہیں۔
ذیل میں دی گئی غذائیں انسانی صحت کو بحال کرنے میں بہت مفید ہیں۔
ڈینگی سے صحت یاب ہونے کے بعد ضروری ہے کہ ایسے مشروبات کا استعمال کیا جائے جو جسم کو ہائیڈریٹ رکھیں ، ناریل کا پانی اور سکنج بین جیسے قدرتی مشروبات اس کے لیے اچھے انتخاب ہیں۔
ڈینگی سے چھٹکارا پانے کے بعد بھی اس کے دیرپا اثرات انسانی جسم پر پڑتے ہیں ، اس کے لیے پروٹین کی مقدار کو بڑھانا ضروری ہے۔ اپنی خوراک میں دہی، مونگ کی دال، کنو، ستو اور گھریلو کم چکنائی والا پنیر شامل کریں۔
ڈینگی سے صحت یاب ہونے کے بعد ہول اناج کی مصنوعات جیسے دالیں، دلیہ، چاول اور جئی کو اپنی خوراک کا لازمی حصہ بنائیں ، یہ انسانی جسم میں قوت مدافعت کو بہتر بناتے ہیں اور ڈینگی سے بازیابی کو تیز کرتے ہیں۔
ڈینگی سے صحت یاب ہونے کے بعد، آپ کو اپنی خوراک میں فولک ایسڈ اور وٹامن K سے بھرپور غذائیں ضرور شامل کریں ، کیوی، انار، بروکولی اور پالک وٹامن کے سے بھرپور غذائیں ہیں، یہ غذائیں نشوونما فراہم کرنے میں اہم کردار ادا کرتی ہیں۔
