کویت اردو نیوز ، 19 اکتوبر 2023 : ہندوستانی ریلوے میں پیش کیا جانے والے کھانا حفظان صحت کے حوالے سے ہمیشہ ہی مسافروں میں زیر بحث رہا ہے لیکن کچن میں چوہوں کے گشت کی ویڈیو نے سب کو حیران کر دیا ۔
میڈیا رپورٹ کے مطابق سوشل میڈیا پر ٹرین کے کچن کی وائرل ہونے والی ویڈیو میں دیکھا جا سکتا ہے کہ وہاں موجود چوہے کھانے کو تباہ کر رہے ہیں۔
ایک مسافر، جو 15 اکتوبر کو اپنے اہل خانہ کے ساتھ ٹرین میں سفر کر رہا تھا، نے اپنے انسٹاگرام پر ثبوت کے طور پر ویڈیو پوسٹ کی۔
سفر کے دوران مسافر نے ٹرین کے کچن میں چوہوں کو آزادانہ گھومتے دیکھا اور اپنے موبائل فون کا استعمال کرتے ہوئے یہ منظر ریکارڈ کر لیا۔
مسافر نے اپنی پوسٹ میں مایوسی کا اظہار کرتے ہوئے لکھا کہ اس واقعے نے مجھے پریشان کردیا، میں نے ٹرین کے انجن کی تصویر کھینچنے کا سوچا، جب میں ویڈیو لینے گیا تو دل دہلا دینے والا منظر دیکھا۔
مسافر کا کہنا تھا کہ میں نے 6 سے 7 چوہے دیکھے جو کچن میں گھوم رہے تھے، میں ان کی فوٹیج حاصل کرنے میں کامیاب ہوگیا۔
