کویت اردو نیوز،23 اکتوبر 2023: سعودی ولی عہد شہزادہ محمد بن سلمان نے سعودی عرب میں ای اسپورٹس ورلڈ کپ کا اعلان کردیا۔
غیر ملکی خبر رساں ادارے کی رپورٹ کے مطابق سعودی عرب میں الیکٹرانک سپورٹس ورلڈ کپ 2024 کے موسم گرما میں ریاض میں منعقد ہوگا جس کی میزبانی سعودی عرب ہر سال کرے گا۔
سعودی ولی عہد شہزادہ محمد بن سلمان نے الیکٹرانک اسپورٹس فاؤنڈیشن کے لیے ورلڈ کپ چیمپیئن شپ کا بھی اعلان کیا، جو کہ ایک غیر منافع بخش تنظیم ہے جس کے اندر یہ ٹورنامنٹ ہر سال منعقد کیا جائے گا۔
eSports ورلڈ کپ کی میزبانی سے، مملکت سعودی عرب کو عالمی مقابلوں کی میزبانی میں دنیا کا سب سے بڑا مرکز تصور کیا جائے گا۔
مختلف کلبوں کے شرکاء مختلف قسم کے کھیلوں میں حصہ لیں گے اور سبھی کو امید ہے کہ وہ ای سپورٹس ورلڈ کپ چیمپئن کا خطاب جیتیں گے۔
سعودی عرب 250 مقامی کمپنیاں قائم کرنے کا ارادہ رکھتا ہے، جو 39,000 ملازمتوں کے مواقع پیدا کریں گی اور 2030 تک سعودی عرب کی جی ڈی پی میں 50 بلین ریال تک کا حصہ ڈالیں گی۔
