ٹریفک وارڈن نےلڑکی کےاغواءکی کوشش ناکام بنادی

کویت اردو نیوز ، 25 اکتوبر 2023: پاکستان کے شہر راولپنڈی میں ٹریفک پولیس وارڈنز نے لڑکی کے اغوا کی کوشش ناکام بنا دی۔

فیض آباد میں ڈیوٹی پر موجود ٹریفک وارڈن اختر نے گزرتی ہوئی کار سے چلانے کی آواز سنی، لڑکی چیخ رہی تھی کہ ڈرائیور مجھے اغوا کر رہا ہے۔

لڑکی کا شور سن کر ڈیوٹی پر موجود ٹریفک وارڈن نے وائر لیس میسج کے ذریعے سینئرز اور پوائنٹ ڈیوٹی پر موجود عملے کو آگاہ کیا۔

ڈی ایس پی نیوٹاؤن نے بتایا کہ بروقت کارروائی کرتے ہوئے گاڑی کو روک کر لڑکی کو بازیاب کرایا گیا اور ڈرائیور کو صادق آباد پولیس کے حوالے کر دیا گیا ہے۔

بعد ازاں لڑکی کو اس کے گھر والوں کے ساتھ گھر بھیج دیا گیا۔

سی ٹی او تیمور راولپنڈی نے بہترین ڈیوٹی کرنے پر سرکل انچارج نیو ٹاؤن اور ٹیم کی کارکردگی کو سراہتے ہوئے ایوارڈ اور سرٹیفکیٹ کا اعلان کیاہے۔