کویت اردو نیوز ، 29 اکتوبر 2023: فلسطینی مزاحمتی تنظیم حماس کے القسام بریگیڈز نے اسرائیل کی خفیہ جوہری تنصیبات پر راکٹ داغ دئیے ۔
اسرائیلی میڈیا نے تصدیق کی ہے کہ فلسطینی مزاحمتی تنظیم حماس نے دیمونا میں راکٹ فائر کیے تاہم کوئی جانی نقصان نہیں ہوا۔ راکٹ حملے کے بعد ایریز اور نیٹو ہسارا میں سائرن بجائے گئے۔
سماجی رابطے کی ویب سائٹ ٹوئٹر (X) پر عبرانی ذرائع سے حاصل کی گئی ایک ویڈیو وائرل ہو رہی ہے، جس میں دیکھا جا سکتا ہے کہ پہاڑوں کے درمیان پیش آنے والے واقعے میں جوہری تنصیبات کے قریب دھواں اٹھتا دکھائی دے رہا ہے۔
واضح رہے کہ دیمونا شہر میں اسرائیل کی خفیہ جوہری تنصیبات موجود ہیں، واقعے کو غیر معمولی قرار دیا جا رہا ہے۔
دوسری جانب اسرائیل کی جانب سے غزہ سمیت فلسطینی علاقوں میں شدید بمباری سے مزید سینکڑوں شہید ہوچکے ہیں۔ ایلون مسک نے غزہ میں سیٹلائٹ کے ذریعے انٹرنیٹ سروس فراہم کی ہے جس کے بعد غزہ سے دنیا کا رابطہ بحال ہونا شروع ہو گیا ہے۔
غزہ میں اسرائیل کی بمباری سے شہید ہونے والے فلسطینیوں کی تعداد 8 ہزار سے تجاوز کر گئی ہے جن میں 4 ہزار سے زائد بچے بھی شامل ہیں۔
