امریکی دفاعی نظام نے تل ابیب پر ہی میزائل داغ دئیے

کویت اردو نیوز : امریکا کی جانب سے اسرائیل کو فراہم کردہ دفاعی نظام بری طرح ناکام ہوگیا ہے۔

عرب میڈیا کے مطابق اسرائیل کے ’آئرن ڈوم‘ کے نام سے مشہور دفاعی نظام نے تل ابیب پر میزائل داغ دیا ۔ اسرائیل کا دفاعی نظام حماس کے مؤثر ترین میزائل حملوں کو روکنے میں بھی بری طرح ناکام ہو چکا ہے۔

سوشل میڈیا پر وائرل ہونے والی ویڈیوز میں اسرائیلی دفاعی نظام سے فائر کیے گئے میزائل کو یو ٹرن لیتے ہوئے تل ابیب پر گرتے ہوئے دیکھا جا سکتا ہے۔ میزائل گرنے سے املاک کو نقصان پہنچا تاہم کوئی جانی نقصان نہیں ہوا۔

اسرائیل نے 10 مختلف مقامات پر دفاعی نظام نصب کیے ہیں۔ یہ دفاعی نظام 60 مربع میل تک دفاعی صلاحیت رکھتا ہے۔ یہ دفاعی نظام امریکا نے اسرائیل کو فراہم کیا تھا۔