کویت اردو نیوز : خاتون کو عمان سمگل کرنے والی خواتین کوملازمت کی آڑ میں جنسی طور پر ہراساں کرنے پر گرفتار کر لیا گیا۔
اینٹی ہیومن ٹریفکنگ سرکل لاہور نے ایک کارروائی کرتے ہوئے بیرون ملک بیوٹی پارلرز میں پرکشش نوکریاں دلانے کی آڑ میں خواتین کو ہوٹلوں میں رقص کرنے اور جنسی طور پر ہراساں کرنے والی خاتون سمگلر کو گرفتار کر لیا۔
ڈائریکٹر ایف آئی اے لاہور زون سرفراز ورک کی ہدایت پر انسانی سمگلروں کے خلاف کریک ڈاؤن جاری ہے۔ ادھر ایک چھاپے میں انسانی سمگلنگ کے گھناؤنے جرم میں ملوث گروہ کی سرغنہ کوگرفتارکرلیاگیاہے۔
ملزمہ کو لاہور کے علاقے اچھرہ سے گرفتار کیا گیا۔ یہ خاتون سادہ لوح خواتین کو نوکریاں دے کر عمان بھیجتی تھی۔ متاثرین کو بیوٹیشن کی نوکریوں کا جھانسہ دیا گیا لیکن بعد میں انہیں بیرون ملک رقص کرنے پر مجبور کیا گیا۔
گرفتار ملزمان سے متعدد پاسپورٹ اور سفری دستاویزات برآمد ہوئی ہیں۔ خاتون کو حراست میں لے کر تفتیش شروع کر دی گئی ہے۔
واضح رہے کہ رواں سال کے دوران اینٹی ہیومن ٹریفکنگ سرکل لاہور نے 267 سے زائد انسانی سمگلروں کو گرفتار کیا ہے۔ ملزمان میں 6 ریڈ بک انتہائی مطلوب انسانی سمگلر بھی شامل ہیں۔ گرفتار ملزمان ویزہ فراڈ اور انسانی سمگلنگ کے سنگین جرائم میں ملوث تھے۔
