کویت اردو نیوز: واٹس ایپ صارفین کی پرائیویسی میں ایک اور جہت شامل کرنے کیلیے ایک نیا فیچر متعارف کرایا ہے۔ یہ فیچر واٹس ایپ کال کےدوران صارفین کے آئی پی ایڈریس کی حفاظت یقینی بنائے گا اور ان کی لوکیشن کو ظاہر ہونے سے بھی روکے گا۔
اس فیچر کے تحت صارفین کی تمام کالز براہ راست کنیکٹ ہونے کے بجائے واٹس ایپ سرور کے ذریعے منسلک ہوں گی۔ جس کا مطلب ہے کہ صارف کا IP کال وصول کرنیوالے شخص کونظر نہیں آئےگا۔
گروپ کالز پہلے سے ہی واٹس ایپ کی ڈیفالٹ سیٹنگز کے تحت سرور سے گزرتی ہیں، اس لیے صارفین کو انفرادی کالز کے دوران آئی پی کو چھپانے کے لیے سیٹنگز میں جا کر اس آپشن کو آن کرنا ہوگا۔
واٹس ایپ صارفین سیٹنگز میں پرائیویسی اورایڈوانسڈآپشن میں جاکر پروٹیکٹ آئی پی ایڈریس ان کالزآپشن کاانتخاب کرسکتے ہیں۔ آپشن کو آف کرنے کیلیے بھی یہی طریقہ کار استعمال کرنا ہوگا۔
دوسری جانب واٹس ایپ نے مزید بتایا کہ نئے فیچر کو آن کرنے کے بعد کال کا معیار متاثر ہوگا۔ واٹس ایپ سرور کے ذریعے کال کے معیار میں کمی آئے گی۔ لیکن کی جانے والی تمام کالز اینڈ ٹو اینڈ انکرپٹڈ ہوں گی تاکہ کوئی بھی ان کی بات نہ سن سکے۔
