کویت اردو نیوز : موئن جودڑو کے ڈائریکٹرنےکہاہےکہ آثار قدیمہ ونوادرات سے متعلق لیبارٹری میں چند دن قبل موئن جودڑو سے ملنے والے صدیوں پرانے انتغنایاب سکوں کی صفائی کا کام تاحال جاری ہے۔
موئن جو دڑو کے ڈائریکٹر ڈاکٹر شاکر نے بتایا کہ چند روز قبل ملنے والے سکے دوسری صدی عیسوی کے کشان دور سے تعلق رکھتے ہیں۔
انہوں نے کہا کہ سکوں پر اس وقت کے بادشاہ کی تصویر نمایاں ہونا شروع ہو گئی ہے تاہم سکوں کی مدت کا حتمی تعین فی الحال نہیں کیا جا سکتا۔
ڈاکٹر شاکر نے کہا کہ ٹیسٹ مکمل ہونے کے بعد نایاب سکوں کی مدت کا حتمی طور پر تعین کیا جائے گا۔
واضح رہے کہ چند روز قبل موئن جودڑو کے آثار قدیمہ کی دیوار سے 5 کلو سے زائد قدیم سکے برآمد ہوئے تھے۔
شاکر شاہ کے مطابق آثار قدیمہ کی دریافت کے بعد پہلی بار ایک صدی بعد بڑی تعداد میں سکے دریافت ہوئے ہیں۔
انہوں نے مزید بتایا کہ دیوار سے برآمد ہونے والے سکوں کو موئن جودڑو لیبارٹری منتقل کر دیا گیا ہے، اس سے قبل 1922ء میں کھدائی کے دوران 360 سکے برآمد ہوئے تھے۔
