کویت اردو نیوز: کویت کے فوجداری تفتیشی افسران نے السالمی کے مضافاتی علاقے میں ایک نا معلوم شخص کو جعلی پولیس اور لوگوں کو لوٹنے سمیت متعدد مقدمات کے سلسلے میں گرفتار کیا ہے۔
مقامی خبر رساں ادارے نے مزید کہا کہ اس شخص نے افسروں پر تیز دھار ہتھیار سے وار کرنے کی کوشش کے بعد فرار ہونے کی کوشش کی، لیکن اس پر قابو پالیا گیا، اسے ہتھکڑیاں لگا کر پولیس اسٹیشن لے جایا گیا، اور پھر پبلک پراسیکیوشن کے حوالے کر دیا گیا۔
ذرائع نے بتایا کہ اس شخص کو اس وقت گرفتار کیا گیا جب پولیس کو ایک پولیس ایجنٹ سے مشتبہ شخص کے ٹھکانے کے بارے میں اطلاع ملی۔ اس کی گاڑی کی تلاشی سے وزارت داخلہ کی ایک ٹارچ، ایک چاقو اور ایک بیلٹ برآمد ہوا جسوکہ سیکیورٹی اہلکار پہنتے ہیں۔
دوسری خبر کے مطابق وزارت داخلہ نے 226 غیر ملکیوں کو مختلف مقامات بشمول خیطان، شوائخ انڈسٹریل سٹی، مبارکیہ، فاحیل، اور متعدد صالون سے رہائشی اقامہ اور لیبر قوانین کی خلاف ورزی پر گرفتار کیا۔ ان کے خلاف قانونی کارروائی کی جا رہی ہے، اور انہیں مزید کارروائی کے لیے متعلقہ حکام کے حوالے کیا جائے گا۔ ان اقدامات کا نفاذ بدستور جاری ہے۔
ایک خبر میں کویت کی وزارت داخلہ نے سوشل میڈیا اور مساج پارلرز کی آڑ میں جسم فروشی میں ملوث ہونے پر 49 مقدمات میں 159 غیر ملکیوں کو گرفتار کیا ہے۔
فوجداری تحقیقات کے جنرل ڈیپارٹمنٹ نے اپنے محکمہ برائے عوامی اخلاقیات کے تحفظ کے ذریعے، احمدی اور فروانیہ گورنریٹس کے تحقیقاتی محکموں کے ساتھ جسم فروشی میں ملوث افراد کو گرفتار کرنے کے لیے تعاون کیا۔ مھبولہ، حولی، سالمیہ، سلویٰ، اور فروانیہ میں غیر اخلاقی سرگرمیوں کو فروغ دینے والے مساج کے کئی اداروں پر چھاپے مارے گئے۔
گرفتار افراد کو متعلقہ حکام کے حوالے کر دیا گیا ہے، جہاں ان کے خلاف ضروری قانونی اقدامات کیے جائیں گے تاکہ ان کے اعمال کا احتساب یقینی بنایا جا سکے۔ یہ آپریشن عوامی اخلاقیات کو برقرار رکھنے اور مختلف علاقوں میں غیر قانونی سرگرمیوں کے خلاف کریک ڈاؤن کرنے کے لیے حکام کی لگن کی عکاسی کرتا ہے۔
