کویت اردو نیوز : فلسطینی نژاد معروف امریکی ماڈل گیگی حدید نے شدید دباؤ اور دھمکیوں کے بعد اپنی اسرائیل مخالف پوسٹ پر معافی مانگ لی۔
گیگی حدید نے حال ہی میں ایک سوشل میڈیا پوسٹ میں اسرائیل کو دنیا کا "واحد ملک” قرار دیا جو بچوں کو جنگی قیدی بنا کر لے جاتا ہے۔ انہوں نے اسرائیل پر برسوں سے فلسطینیوں کے اغوا، عصمت دری، قتل اور تشدد کا الزام بھی عائد کیا۔
گیگی حدید کی پوسٹ سے اسرائیل کے حامی مشتعل ہوگئے اور امریکی ماڈل کو دھمکیاں دینا شروع کر دیں۔ صہیونی گروہوں نے گیگی حدید کو جھوٹا اور یہود مخالف قرار دیا۔
اسرائیل نواز گروپوں کی دھمکیوں اور شدید دباؤ کے بعد، گیگی حدید نے اپنی پوسٹ ڈیلیٹ کر دی اور حقائق کو جانچنے میں ناکامی پر معذرت کرتے ہوئے ایک نئی پوسٹ شیئر کی۔
گیگی حدید نے اپنی پوسٹ میں لکھا کہ بحیثیت انسان میں بھی غلطیاں کر سکتی ہوں اور میں ان غلطیوں کی ذمہ دار بھی خود کوہی سمجھتی ہوں۔ میں غلط معلومات پھیلانے کےءق میں بالکل نہیں ہوں۔ میں نےہمیشہ فلسطین کی آزادی کی تحریک کویہوددشمنی کے جواز کےطورپراستعمال کرنےکی مذمت کی ہے۔
انہوں نے مزید لکھا کہ فلسطینی نژاد ہونے کی وجہ سے غزہ سے آنے والی خبریں میرے لیے تکلیف دہ ہیں۔ میرے لیے فلسطینیوں کی مشکلات کے بارے میں حقیقی کہانیوں کا اشتراک کرنا اہم ہے، لیکن میں نے اس ہفتے کے آخر میں جو پوسٹ شیئر کی ہے اس سے پہلے میں نے حقیقت کی جانچ نہیں کی، جس کا مجھے افسوس ہے۔
ماڈل نے مزید لکھا کہ یہودیوں سمیت کسی بھی انسان پر حملہ کرنا یا بے گناہ لوگوں کو یرغمال بنانا قابل قبول نہیں۔ فلسطینیوں کے ساتھ آزادی اور انسانی سلوک کے ساتھ ساتھ یہودیوں کا تحفظ بھی ضروری ہے۔ گیگی حدید نے مزید کہا کہ وہ تمام یرغمالیوں کی بحفاظت واپسی اور غزہ اور اسرائیل کے عوام کے امن و سلامتی کے لیے دعا کرتی رہیں گی۔
واضح رہے کہ جیجی حدید نے اپنی پوسٹ میں فلسطینی احمد منصرہ کی تصویر پوسٹ کی تھی، انہیں 2015 میں 13 سال کی عمر میں گرفتار کیا گیا تھا، بعد ازاں انہیں 12 سال قید کی سزا سنائی گئی جو بعد میں کم کر کے نو سال کر دی گئی۔
احمد منصرہ پر الزام تھا کہ وہ اپنے کزن کے ساتھ تھے جب 2015 میں مقبوضہ مشرقی یروشلم میں ایک غیر قانونی بستی کے قریب دو اسرائیلی آباد کاروں کو چاقو سے وار کیا گیا تھا۔
احمد منصرہ کے کزن حسن نے، جس کی عمر 15 سال تھی، نے ایک اسرائیلی شہری کو گولی مار کر ہلاک کر دیا، جب کہ احمد کو اسرائیلی ہجوم نے پکڑ کر بری طرح پیٹا، جس سے اس کی کھوپڑی ٹوٹ گئی اور وہ اپنا ذہنی توازن کھو بیٹھا۔
گیگی حدید کی پوسٹ کے بعد کئی فلسطینی حامی ماڈل اس ماڈل پر الزام لگا رہے ہیں کہ جب بھی گیگی حدید کوئی ایسی پوسٹ کرتی ہے جو اس کے صہیونی دوستوں کو پسند نہیں آتی تو وہ اسے ڈیلیٹ کر دیتی ہیں اور معافی مانگتی ہیں۔
