کویت اردو نیوز : اگر آپ گوگل کروم ویب براؤزر استعمال کرتے ہیں تو اسے فوری طور پر اپ ڈیٹ کرلیں۔
گوگل نے ایک بڑی خامی کو دور کرنے کے لیے دنیا کے مقبول ترین ویب براؤزر کو اپ ڈیٹ کر دیا ہے۔
سیکیورٹی کے اس خطرے کو اسکیا اوپن سورس 2D گرافکس لائبریری میں دریافت کیا گیا تھا اور اس لیے اسے براؤزر کی فوری اپ ڈیٹ کی ضرورت ہے۔
اس سیکیورٹی خطرے کو حال ہی میں گوگل کے تھریٹ اینالیسس گروپ (TAG) کے ساتھ کام کرنے والے دو ماہرین نے دریافت کیا۔
گوگل نے کہا کہ CVE-2023-6345 نامی سیکیورٹی بگ صارفین کو خطرے میں ڈال رہا ہے۔
گوگل نے سیکیورٹی کے اس خطرے سے متعلق بہت سی تفصیلات جاری نہیں کیں۔
خیال رہے کہ دنیا بھر میں 50 سے 60 فیصد انٹرنیٹ صارفین براؤزنگ کے لیے گوگل کروم کو ترجیح دیتے ہیں، اس لیے اس میں سیکیورٹی کا خطرہ بہت بڑا خطرہ ثابت ہوسکتا ہے۔
2023 کے دوران، گوگل نے 6 ایسی بڑی سیکیورٹی کمزوریاں دریافت کیں جنہیں براؤزر کو اپ ڈیٹ کرکے روکا گیا۔
کروم براؤزر کو کیسے اپ ڈیٹ کریں؟
عام طور پر گوگل کروم خود بخود اپ ڈیٹ ہوجاتا ہے۔
اگر آپ نہیں جانتے کہ براؤزر اپ ڈیٹ ہوا ہے یا نہیں تو تھری ڈاٹ مینو پر کلک کرکے سیٹنگز میں جائیں۔
وہاں اباؤٹ کروم پر کلک کریں جو صفحہ کے نیچے بائیں جانب ہوگا۔
کروم پھر آپ کو بتائے گا کہ براؤزر اپ ٹو ڈیٹ ہے، اگر نہیں تو اپ ڈیٹ ہونا شروع ہو جائے گا۔
اس کے بعد، بس دوبارہ شروع کریں اور کروم اپ ڈیٹ ہو جائے گا۔
