کویت اردو نیوز : سعودی مجلس شوریٰ کے متعدد ارکان نے سعودی ٹریفک قانون میں ‘روڈ ریج’ نامی ایک اور جرم شامل کرنے کی تجویز پیش کی ہے۔
شوری کے رکن ڈاکٹر ترکی العواد ان شوری اراکین میں سے ایک ہیں جنہوں نے ٹریفک قانون میں ترامیم کی تجویز پیش کی۔
انہوں نے کہا کہ روڈ ریج کو ٹریفک کی خلاف ورزی قرار دے کر جرمانہ کیا جائے۔
انہوں نے کہا کہ اس خلاف ورزی کی سزا ٹائر سکریچنگ کے برابر ہونی چاہیے۔ حالیہ دنوں میں روڈ ریج کا رجحان بڑھ رہا ہے۔
یاد رہے کہ سعودی عرب میں ٹائر سکریچنگ کو ٹریفک کی خلاف ورزی سمجھا جاتا ہے اور اس کی سزا جرمانہ ہے۔ ٹائر سکریچنگ میں استعمال ہونے والی گاڑی کو محکمہ ٹریفک اپنی تحویل میں لے لیتا ہے۔
پہلی بار سکریچ شدہ ٹائر والی گاڑی 15 دن تک محکمہ ٹریفک کی تحویل میں رہتی ہے جبکہ 20 ہزار ریال جرمانہ عائد کیا جاتا ہے۔
دوسری بار ٹائر سکریچ کرنے پر گاڑی کو ایک ماہ کے لیے ضبط کیا جاتاہے اور جرمانہ بڑھا کر 40,000 کر دیا جاتاہے اور کیس خصوصی عدالت میں بھیج دیا جاتا ہے۔
تیسری بار ٹائر سکریچنگ کی خلاف ورزی پر 60 ہزار ریال جرمانہ عائد کیا جاتا ہے۔
اس کے علاوہ خصوصی عدالت ٹائر سکریچر کی گاڑی ضبط کرنے، جرمانہ کرنے، کار کرایہ پر لینے یا چوری شدہ کار کی قیمت وصول کرنے یا اسے جیل بھیجنے کا فیصلہ کرتی ہے۔
